Matthew 20:29-34

UJesu usilisa iziphofu ezimbili

29Kwathi a bephuma b eJeriko, ixuku elikhulu lamlandela c. 30Njalo khangela, iziphofu ezimbili zihlezi endleleni, sezizwile ukuthi uJesu uyadlula, zamemeza, zathi: Sihawukele, Nkosi, Ndodana kaDavida d! 31Ixuku laselizikhuza ukuthi zithule, kodwa zamemeza kakhulu, zisithi: Sihawukele, Nkosi, Ndodana kaDavida e! 32UJesu wasesima wazibiza, wathi: Lifuna ukuthi ngilenzeleni? 33Zathi kuye: Nkosi, ukuthi amehlo ethu avuleke. 34UJesu esesiba lesihelo wathinta amehlo azo; njalo amehlo azo ahle abuya abona, zasezimlandela f.

Mark 10:46-52

UBartimewu isiphofu

46Basebefika eJeriko g; kwathi esephuma eJeriko, labafundi bakhe, lexuku elikhulu h, indodana kaTimewu, uBartimewu oyisiphofu i wayehlezi endleleni ephanza. 47Kwathi esezwile ukuthi nguJesu weNazaretha, waqala ukumemeza lokuthi: Jesu Ndodana kaDavida, akungihawukele j! 48Abanengi basebemkhuza ukuthi athule; kodwa wamemeza kakhulukazi, esithi: Ndodana kaDavida, akungihawukele k! 49UJesu esima wasesithi kabizwe; basebesibiza isiphofu, besithi kuso: Mana isibindi; sukuma, uyakubiza. 50Sasesilahla isembatho saso sasukuma seza kuJesu. 51UJesu wasephendula wathi kuso: Ufuna ukuthi ngikwenzeleni? Isiphofu sasesisithi kuye: Raboni* l, ukuthi ngibuye ngibone. 52UJesu wasesithi kuso: Hamba; ukholo lwakho m lukusindisile. Njalo sahle sabuye sabona, salandela uJesu endleleni n.

Copyright information for Ndebele