Mat 21:12-17, Luk 19:45-47 | Ndebele | STEP | UJesu wasengena ethempelini likaNkulunkulu, wabaxotsha bonke ababethengisa lababethenga ethempelini , wasegenqula amatafula ababentshintshelana imali , lezihlalo zalabo ababethengisa amajuba .

Matthew 21:12-17

Ukuhlanjululwa kwethempeli

12 UJesu wasengena ethempelini likaNkulunkulu, wabaxotsha bonke ababethengisa lababethenga ethempelini ^a, wasegenqula amatafula ^b ababentshintshelana imali ^c, lezihlalo zalabo ababethengisa amajuba ^d. 13 Wasesithi kubo: Kulotshiwe ukuthi: Indlu yami izabizwa ngokuthi yindlu yomkhuleko ^e; kodwa lina liyenze ubhalu ^f lwabaphangi ^g. 14 Kwasekufika kuye iziphofu leziqhuli ethempelini; wasezisilisa. 15 Kodwa abapristi abakhulu lababhali sebebonile izimangaliso azenzayo, labantwana bememeza ethempelini, besithi: Hosana eNdodaneni kaDavida ^h! bathukuthela, 16 basebesithi kuye: Uyakuzwa lokhu yini abakutshoyo laba? UJesu wasesithi kubo: Yebo; alikaze lifunde yini ukuthi: Emlonyeni ⁱ wezingane lowabamunyayo ^j uphelelise indumiso ^k? 17 Wasebatshiya waphuma phandle komuzi esiya eBethani, walala khona ^l.

Luke 19:45-47

Ukuhlanjululwa kwethempeli

45 Wasengena ethempelini, waqala ukuxotsha abathengisayo kulo, labathengayo ^m, 46 esithi kubo: Kulotshiwe ukuthi: Indlu yami yindlu yomkhuleko ⁿ; kodwa lina liyenze ubhalu lwabaphangi ^o.

47 Njalo wayefundisa ethempelini insuku zonke ^p; kodwa abapristi abakhulu lababhali ^q lenduna zabantu badinga ukumbulala;