Matthew 21:4-9
4Njalo konke lokhu kwenzeka, ukuze kugcwaliseke okwakhulunywa ngumprofethi a, ukuthi: 5Tshelani indodakazi yeSiyoni ukuthi b: Khangela, iNkosi yakho iyeza kuwe, imnene igade ubabhemi, lethole inkonyana yenyamazana yokuthwala c. 6Abafundi bahamba-ke, benza njengalokhu uJesu wayebalayile, 7baletha ubabhemi lethole, babeka izembatho zabo phezu kwabo, bamhlalisa phezu kwazo d. 8Lenengi lexuku lendlala ezalo izembatho endleleni e; labanye bagamula ingatsha zezihlahla, bazendlala endleleni f. 9Lamaxuku ayehamba phambili lababelandela bamemeza, besithi: Hosana* kuyo iNdodana kaDavida g! Ubusisiwe ozayo ebizweni leNkosi h. Hosana i kweliphezulu j!Mark 11:7-10
7Basebeliletha ithole kuJesu, baphosela izembatho zabo phezu kwalo, wasehlala phezu kwalo. 8Labanengi bendlala izembatho zabo endleleni; labanye bagamula izingatsha lamahlamvu ezihlahleni, bakwendlala endleleni k. 9Lalabo ababehamba phambili lababelandela bamemeza, besithi: Hosana*! Ubusisiwe ozayo ebizweni leNkosi; 10ubusisiwe umbuso kababa wethu uDavida, ozayo ebizweni leNkosi. Hosana kweliphezulu l!Luke 19:35-38
35Basebeliletha kuJesu; baphosela izembatho zabo phezu kwethole likababhemi, bamkhweza uJesu kulo. 36Kwathi ehamba, bendlala izembatho zabo phansi endleleni m. 37Kwathi khathesi esesondela ekwehleni kwentaba yeMihlwathi, ixuku lonke labafundi laqala ukuthokoza lokudumisa uNkulunkulu ngelizwi elikhulu n ngayo yonke imisebenzi yamandla eliyibonileyo o, 38lisithi: Ibusisiwe inkosi ezayo ebizweni leNkosi p; ukuthula ezulwini, lenkazimulo kweliphezulu q.
Copyright information for
Ndebele