Mat 25:14-30 | Ndebele | STEP | Ngoba kunjengomuntu owaya kwelinye ilizwe wabiza inceku zakhe, wazinika impahla zakhe ;

Matthew 25:14-30

Umfanekiso wemali

14 Ngoba ^a kunjengomuntu ^b owaya kwelinye ilizwe ^c wabiza inceku zakhe, wazinika impahla zakhe ^d; 15 kwathi enye wayinika amathalenta* amahlanu, lenye amabili, lenye lalinye, kwaba yileyo laleyo ^e njengamandla ayo ^f; njalo wahle wasuka ^g. 16 Leyo eyayemukele amathalenta amahlanu yasihamba yathengiselana ngawo, yenza amanye amathalenta amahlanu ^h. 17 Ngokunjalo laleyo elamabili, layo yazuza amanye amabili. 18 Kodwa leyo eyayemukele elilodwa yasuka yagebha emhlabathini yayifihla imali yenkosi yayo. 19 Kwathi emva kwesikhathi eside inkosi yalezozinceku yafika, yasilandiselana lazo ⁱ. 20 Kwasekusiza eyayemukele amathalenta amahlanu yaletha amanye amathalenta amahlanu, yathi: Nkosi, wanginika amathalenta amahlanu; khangela, ngizuzile amanye amathalenta amahlanu phezu kwawo. 21 Inkosi yayo yasisithi kiyo: Kuhle, nceku elungileyo lethembekileyo, ubuthembekile ezintweni ezinlutshwana ^j, ngizakubeka phezu kwezinengi ^k; ngena entokozweni yenkosi yakho ^l. 22 Kwasekusiza laleyo eyayemukele amathalenta amabili yathi: Nkosi, wanginika amathalenta amabili; khangela, ngizuzile amanye amathalenta amabili phezu kwawo. 23 Inkosi yayo yathi kiyo: Kuhle, nceku elungileyo lethembekileyo, ubuthembekile ezintweni ezinlutshwana, ngizakubeka phezu kwezinengi; ngena entokozweni yenkosi yakho ^m. 24 Kodwa kweza laleyo eyayemukele ithalenta elilodwa yathi: Nkosi, bengikwazi wena ⁿ ukuthi ungumuntu olukhuni, uvuna lapho ongahlanyelanga khona, njalo ubutha lapho ongahlakazanga khona ^o; 25 ngasengisesaba, ngasuka ngalifihla ithalenta lakho emhlabathini; khangela, ulokwakho ^p. 26 Kodwa inkosi yayo yaphendula yathi kiyo: Nceku embi lelivila ^q, ubusazi ukuthi ngivuna lapho engingahlanyelanga khona, njalo ngibutha lapho engingahlakazanga khona; 27 ngakho ngabe ubekile imali yami ebhanga ^r, njalo ekufikeni kwami ngabe ngemukele okwami lenzuzo. 28 Ngakho mthatheleni ithalenta, lilinike yena olamathalenta alitshumi. 29 Ngoba wonke olakho uzaphiwa, uzakwengezelelwa; kodwa ongelakho uzathathelwa lalokho alakho ^s. 30 Laleyonceku engasizi lutho iphoseleni emnyameni ongaphandle ^t; kuzakuba khona lapho ukukhala lokugedla amazinyo ^u.