Mat 26 | Ndebele | STEP | Kwasekusithi uJesu eseqedile wonke lamazwi, wathi kubafundi bakhe:

1 Kwasekusithi uJesu eseqedile wonke lamazwi, wathi kubafundi bakhe: 2 Liyazi ukuthi emva kwensuku ezimbili kuzakuba liphasika, leNdodana yomuntu izanikelwa ukuze ibethelwe ^a. 3 Kwasekubuthana abapristi abakhulu lababhali labadala babantu ^b egumeni lompristi omkhulu ^c othiwa nguKayafasi ^d, 4 basebecebisana ukuthi bambambe uJesu ngobuqili bambulale. 5 Kodwa bathi: Kungabi ngomkhosi, ukuthi kungabi khona isiphithiphithi ebantwini ^e.

UJesu ugcotshwa eBethani

6 Kwathi uJesu ^f eseBethani endlini kaSimoni umlephero ^g, 7 kwafika kuye owesifazana ephethe umfuma we-alibasta* ulamagcobo aligugu elikhulu ^h, wasewuthululela ekhanda lakhe ehlezi ekudleni ⁱ. 8 Kodwa abafundi bebona lokhu bathukuthela, bathi: Ngokwani ukumotsha lokhu ^j? 9 Ngoba la amagcobo angathengiswa ngokunengi, besekunikwa abayanga ^k. 10 Kodwa uJesu ekwazi wathi kubo: Limhluphelani owesifazana? Ngoba wenzile umsebenzi omuhle kimi; 11 ngoba abayanga lihlala lilabo ^l, kodwa mina kalihlali lilami ^m. 12 Ngoba ngokuthululela la amagcobo emzimbeni wami, ukwenzele umngcwabo wami ⁿ. 13 Ngiqinisile ngithi kini: Loba ngaphi emhlabeni wonke lapho okuzatshunyayelwa khona lelivangeli, lalokho akwenzileyo kuzakhulunywa ngakho, kube yisikhumbuzo ngaye ^o.

Umvuzo wokunikela uJesu

14 Omunye wabalitshumi lambili ^p, othiwa nguJudasi Iskariyothi ^q, wasesiya kubapristi abakhulu, 15 wathi: Livuma ukunginikani, mina-ke ngizamnikela kini? Basebevumelana laye ^r ngenhlamvu zesiliva ezingamatshumi amathathu ^s. 16 Njalo kusukela lapho wadinga ithuba elihle lokumnikela.

Ukumiswa kwesidlo esingcwele

17 Kwathi ^t ngolokuqala lwesinkwa esingelamvubelo abafundi beza kuJesu ^u, besithi kuye: Uthanda ukuthi sikulungisele ngaphi ukuthi udle iphasika? 18 Wasesithi: Hambani liye emzini kumuntu othile ^v, lithi kuye: UMfundisi uthi ^w: Isikhathi sami sesiseduze ^x; ngizakwenza iphasika kwakho kanye labafundi bami ^y. 19 Benza-ke abafundi njengoba uJesu ebalayile, basebelungisa iphasika ^z. 20 Kwathi sekuhlwile ^aa wayehlezi labalitshumi lambili ^ab. 21 Bathi besidla wathi: Ngiqinisile ngithi kini: Omunye wenu uzanginikela ^ac. 22 Basebedabuka kakhulu baqala ukuthi kuye ngamunye wabo: Nkosi, ayisimi, akunjalo yini ^ad? 23 Wasephendula wathi: Ofaka isandla sakhe kanye lami emganwini, nguye ozanginikela ^ae. 24 Sibili iNdodana yomuntu ^af ihamba, njengokulotshiweyo ngayo ^ag; kodwa maye kulowomuntu iNdodana yomuntu enikelwa nguye ^{ah
,} ^ai! Bekungakuhle kuye aluba lowomuntu wayengazalwanga ^aj. 25 Wasephendula uJudasi owamnikelayo wathi: Rabi*, ayisimi, akunjalo yini ^ak? Wathi kuye: Utshilo wena ^al.

26 Kwathi besidla, uJesu wathatha isinkwa ^am, wasesibusisa, wasihlephula wabanika abafundi, wathi: Thathani, lidle; lokhu kungumzimba wami ^an. 27 Wasethatha inkezo, wabonga, wabanika ^ao, esithi: Nathani lonke kuyo; 28 ngoba lokhu ^ap kuligazi lami ^aq, elesivumelwano esitsha ^ar, elichithelwa abanengi ^as kukho ukuthethelelwa kwezono ^at. 29 Kodwa ngithi kini: Kusukela khathesi kangiyikunatha okwalesisithelo sevini, kuze kufike lolosuku lapho ngizasinatha lani sisitsha ^au embusweni kaBaba ^av. 30 Kwathi sebehlabele ingoma ^{▼▼ ingoma: kumbe, isihlabelelo} yokudumisa ^ax baphuma ^ay baya entabeni yeMihlwathi ^az.

Ukuxwayiswa kukaPetro

31 UJesu wasesithi kubo: Lina lonke lizakhubeka ngami ngalobubusuku ^ba; ngoba kulotshiwe ukuthi: Ngizatshaya umelusi, izimvu zomhlambi ^bb besezihlakazeka ^bc. 32 Kodwa emva kokuvuswa kwami, ngizalandulela ukuya eGalili ^bd. 33 Kodwa uPetro waphendula wathi kuye: Lanxa bonke bezakhubeka ngawe, mina angisoze ngikhubeke ^be. 34 UJesu wathi kuye: Ngiqinisile ngithi kuwe: Ngalobubusuku ^bf, lingakakhali iqhude, uzangiphika kathathu ^bg. 35 UPetro wathi kuye: Loba kudingeka ngife lawe, angisoze ngikuphike. Basebesitsho njalo bonke abafundi ^bh.

EGetsemane

36 UJesu wasefika labo endaweni ^bi ethiwa yiGetsemane, wasesithi kubafundi: Hlalani phansi lapha, ngisayakhuleka laphaya ^bj. 37 Wasethatha kanye laye uPetro lamadodana amabili kaZebediya ^bk, waqala ukudabuka lokukhathazeka kakhulu ^bl. 38 Wasesithi kubo: Umphefumulo wami udabukile kakhulu kuze kube sekufeni ^bm; hlalani lapha lilinde lami ^bn. 39 Waseqhubeka ibangana, wawa ngobuso bakhe wakhuleka wathi ^bo: Baba, uba kungenzeka ^bp, kakudlule kimi linkezo ^bq; kodwa kungabi njengoba ngithanda mina ^br, kodwa njengoba uthanda wena ^bs. 40 Wasesiza kubafundi, wabafica belele ^bt, wathi kuPetro: Kanti belingelinde ^bu lami ihola ibenye ^bv? 41 Lindani likhuleke, ukuze lingangeni ekulingweni ^bw; umoya isibili uyavuma, kodwa inyama ibuthakathaka ^bx. 42 Wabuya wasuka ngokwesibili wakhuleka, wathi: Baba ^by, uba inkezo le ingedlule kimi, ngaphandle kokuthi ngiyinathe ^bz, kayenziwe intando yakho ^ca. 43 Wasebuya wabafica futhi belele, ngoba amehlo abo ayenzima ^cb. 44 Wasebatshiya wahamba futhi wakhuleka ngokwesithathu, esitsho wona lawomazwi. 45 Wasesiza kubafundi bakhe, wathi kubo: Qhubekani lilele, liphumule ^cc; khangelani, isikhathi sesisondele, futhi iNdodana yomuntu iyanikelwa ezandleni zezoni. 46 Sukumani, sihambe; khangelani, onginikelayo useduze ^cd.

Ukubotshwa kukaJesu lokuthethwa kwecala lakhe

47 Kwathi esakhuluma, khangela, kwafika uJudasi, omunye wabalitshumi lambili ^ce, lexuku elikhulu lilaye elilezinkemba lezinduku, livela kubapristi abakhulu labadala babantu ^cf. 48 Laye omnikelayo wayebanike isiboniso, esithi: Lowo engizamanga, nguye; limbambe ^cg. 49 Njalo wahle wasondela kuJesu wathi: Mpilo enhle, Rabi ^ch! Wasemanga ^ci. 50 UJesu wasesithi kuye: Mngane, ulandeni ^cj? Basebesondela bamdumela uJesu ngezandla, bambamba. 51 Futhi khangela, omunye walabo ababeloJesu ^ck welula isandla, wakhokha inkemba yakhe, wagadla inceku yompristi omkhulu waquma indlebe yayo ^cl. 52 UJesu wasesithi kuye: Buyisela inkemba yakho endaweni yayo; ngoba bonke abaphatha inkemba bazabhubha ngenkemba ^cm. 53 Kumbe ucabanga ukuthi ngingemcele uBaba yini khathesi, futhi anginike amabutho amakhulu ezingilosi ^cn edlula itshumi lambili ^co? 54 Pho ingagcwaliseka njani imibhalo, ukuthi kumele ukuthi kube njalo ^cp? 55 Ngalelohola uJesu wathi emaxukwini: Liphume njengokuyamelana lomphangi ^cq yini lilezinkemba lezinduku ukuzangibamba ^cr? Bengihlezi insuku ngensuku ^cs ethempelini ngifundisa, kodwa kalingibambanga ^ct. 56 Kodwa konke lokhu kwenzakele, ukuze kugcwaliseke imibhalo yabaprofethi ^cu. Basebemtshiya bonke ^cv abafundi babaleka ^cw.

UJesu uphambi kompristi omkhulu

57 Lababembambile uJesu bamqhuba ^cx bamusa kuKayafasi umpristi omkhulu, lapho ababebuthene khona ababhali labadala ^cy. 58 Kodwa uPetro wamlandela ekhatshana, kwaze kwaba segumeni lompristi omkhulu ^cz, njalo wangena phakathi wahlala phansi lezinceku, ukuze abone isicino ^da.

59 Njalo abapristi abakhulu labadala lomphakathi wonke badinga ubufakazi bamanga obumelana loJesu, ukuze bambulale ^db, 60 kodwa kababutholanga; lanxa kwavela abafakazi abanengi bamanga ^dc, ababutholanga ^dd. Kwathi emva kwalokho kwavela ababili abafakazi bamanga ^de, 61 bathi: Lo wathi: Ngilakho ukudiliza ithempeli likaNkulunkulu ^df, njalo ngilakhe ngensuku ezintathu ^dg. 62 Kwasekusukuma umpristi omkhulu wathi kuye: Kawuphenduli lutho yini? Bafakazani laba okumelana lawe? 63 Kodwa uJesu wathula ^dh. Umpristi omkhulu wasephendula wathi kuye: Ngikufungisa ^di ngoNkulunkulu ophilayo, ukuthi usitshele ukuthi unguKristu ^dj, iNdodana kaNkulunkulu ^dk. 64 UJesu wathi kuye: Utshilo wena ^dl. Kodwa ngithi kini: Kusukela khathesi lizabona iNdodana yomuntu ^dm ihlezi ngakwesokunene ^dn samandla isiza phezu kwamayezi ezulu ^do. 65 Umpristi omkhulu wasedabula izembatho zakhe ^dp, wathi: Usehlambazile; sisadingelani abafakazi? Khangelani, khathesi seliyizwile inhlamba yakhe; 66 licabangani? Basebephendula besithi: Ulecala ^dq lokufa ^dr.

67 Basebemkhafulela amathe ebusweni ^ds bamdutshuza ^dt; labanye ^du bamwakala ^dv, 68 bathi: Profetha kithi, Kristu, ngubani okutshayileyo ^dw?

UPetro ulandula uJesu

69 UPetro wayesehlezi ngaphandle ^dx egumeni ^dy; kwasekusiza kuye incekukazi ethile, yathi: Lawe ubuloJesu weGalili ^dz. 70 Kodwa waphika phambi kwabo bonke, wathi: Kangikwazi lokho okutshoyo. 71 Kwathi esephuma esiya esangweni ^ea, enye incekukazi yambona, yathi kwababekhona ^eb: Laye lo ubeloJesu weNazaretha ^ec. 72 Waphika njalo ngesifungo esithi: Kangimazi lumuntu. 73 Kwathi emva kwesikhatshana ^ed labo ababemi khona basondela bathi kuPetro: Ngeqiniso lawe ungowabo ^ee; ngoba lokukhuluma kwakho ^ef kuyakuveza ^eg. 74 Waseqala ukuqalekisa lokufunga esithi: Kangimazi lumuntu. Njalo lahle lakhala iqhude.

75 UPetro wasekhumbula ilizwi likaJesu esithi kuye ^eh: Lingakakhali iqhude, uzangiphika kathathu. Wasephumela ngaphandle wakhala kabuhlungu ^ei.