Matthew 26:17-19
Ukumiswa kwesidlo esingcwele
17Kwathi a ngolokuqala lwesinkwa esingelamvubelo abafundi beza kuJesu b, besithi kuye: Uthanda ukuthi sikulungisele ngaphi ukuthi udle iphasika? 18Wasesithi: Hambani liye emzini kumuntu othile c, lithi kuye: UMfundisi uthi d: Isikhathi sami sesiseduze e; ngizakwenza iphasika kwakho kanye labafundi bami f. 19Benza-ke abafundi njengoba uJesu ebalayile, basebelungisa iphasika g.Luke 22:7-13
Ukumiswa kwesidlo esingcwele
7Lwaselufika usuku lwesinkwa esingelamvubelo, okwakumele kuhlatshwe ngalo iphasika h. 8Wasethuma uPetro loJohane, esithi: Hambani liyesilungisela iphasika, ukuze sidle. 9Basebesithi kuye: Uthanda ukuthi silungise ngaphi? 10Wasesithi kubo: Khangelani, kuzakuthi selingenile emzini, umuntu uzahlangana lani ethwele imbiza yamanzi; limlandele endlini azangena kuyo. 11Beselisithi kumninindlu: Uthi uMfundisi kuwe: Ingaphi indlu yezihambi, lapho engingadlela khona iphasika labafundi bami? 12Yena-ke uzalitshengisa indlu enkulu ephezulu eyendlelweyo; lilungise khona. 13Bahamba-ke bafica njengokutsho kwakhe kubo; basebelungisa iphasika i.
Copyright information for
Ndebele