Mat 26:26-29, Luk 22:19-20, 1Cor 11:23-25 | Ndebele | STEP | Kwathi besidla, uJesu wathatha isinkwa , wase si busisa, wa si hlephula wabanika abafundi, wathi: Thathani, lidle; lokhu kungumzimba wami .

Matthew 26:26-29

26 Kwathi besidla, uJesu wathatha isinkwa ^a, wasesibusisa, wasihlephula wabanika abafundi, wathi: Thathani, lidle; lokhu kungumzimba wami ^b. 27 Wasethatha inkezo, wabonga, wabanika ^c, esithi: Nathani lonke kuyo; 28 ngoba lokhu ^d kuligazi lami ^e, elesivumelwano esitsha ^f, elichithelwa abanengi ^g kukho ukuthethelelwa kwezono ^h. 29 Kodwa ngithi kini: Kusukela khathesi kangiyikunatha okwalesisithelo sevini, kuze kufike lolosuku lapho ngizasinatha lani sisitsha ⁱ embusweni kaBaba ^j.

Luke 22:19-20

19 Wasethatha isinkwa ^k, esebongile ^l wasihlephuna, wabanika, esithi: Lokhu kungumzimba wami, owanikelelwa lina; lokhu kwenzeni ukungikhumbula ^m. 20 Ngokunjalo lenkezo emva kokudla, esithi: Inkezo le iyisivumelwano esitsha egazini lami, elichithelwa lina.

1 Corinthians 11:23-25

Indlela yokuphatha isidlo seNkosi

23 Ngoba mina ngakwemukela ⁿ eNkosini, lokho lami engalinika khona, ukuthi iNkosi uJesu ^o ngobusuku eyanikelwa ngabo yathatha isinkwa, 24 isibongile yasihlephuna ^p, yathi: Thathani, lidle, lokhu kungumzimba wami owahletshunelwa lina ^q; lokhu kwenzeni ukungikhumbula ^{r
,} ^{s
,} ^{▼▼ ukungikhumbula: Gr. kube yisikhumbuzo sami.}. 25 Ngokunjalo lenkezo, sebedlile ^u, yathi: Inkezo le iyisivumelwano esitsha egazini lami; lokhu kwenzeni, loba nini liyinatha, ukungikhumbula.