aMark 14:43-50; Luka 22:47-53; Joha 18:3-11
b10:10; Mark 14:43,48; Luka 22:52
cMark 14:44
d23:7,8, 26:25
e2 Sam 14:33
f20:13
gJoha 18:10
hLuka 22:38
iLuka 22:50; Mark 14:47
j4:11; 2 Kho 6:17; Dan 7:10
kMark 5:9,15; Luka 8:30
lIsa 53:7-10; Lilo 4:20; Mat 26:56:26:24
mJoha 10:1,8, 18:40; 2 Kor 11:26; Mat 21:13, 27:38,44; Luka 10:30,36
n26:55; Mark 14:43,48; Luka 22:52
oLuka 2:46; Joha 8:2; Mat 5:1; Luka 5:3
pMark 12:35; Luka 21:37; Joha 7:28, 8:20; Joha 18:20
qIsa 53:7-10; Lilo 4:20; Mat 26:56:26:24
rJoha 18:15
s26:31; Hlab 88:8,18
tMat 26:47-56; Luka 22:47-53; Joha 18:3-11
uMat 26:47-56; Mark 14:43-50; Joha 18:3-11
v22:38
wMat 20:34
x22:4
yMark 14:35
zKol 1:13; Seb 26:18; Efe 6:12; Joha 19:11

Matthew 26:47-56

Ukubotshwa kukaJesu lokuthethwa kwecala lakhe

47Kwathi esakhuluma, khangela, kwafika uJudasi, omunye wabalitshumi lambili a, lexuku elikhulu lilaye elilezinkemba lezinduku, livela kubapristi abakhulu labadala babantu b. 48Laye omnikelayo wayebanike isiboniso, esithi: Lowo engizamanga, nguye; limbambe c. 49Njalo wahle wasondela kuJesu wathi: Mpilo enhle, Rabi d! Wasemanga e. 50UJesu wasesithi kuye: Mngane, ulandeni f? Basebesondela bamdumela uJesu ngezandla, bambamba. 51Futhi khangela, omunye walabo ababeloJesu g welula isandla, wakhokha inkemba yakhe, wagadla inceku yompristi omkhulu waquma indlebe yayo h. 52UJesu wasesithi kuye: Buyisela inkemba yakho endaweni yayo; ngoba bonke abaphatha inkemba bazabhubha ngenkemba i. 53Kumbe ucabanga ukuthi ngingemcele uBaba yini khathesi, futhi anginike amabutho amakhulu ezingilosi j edlula itshumi lambili k? 54Pho ingagcwaliseka njani imibhalo, ukuthi kumele ukuthi kube njalo l? 55Ngalelohola uJesu wathi emaxukwini: Liphume njengokuyamelana lomphangi m yini lilezinkemba lezinduku ukuzangibamba n? Bengihlezi insuku ngensuku o ethempelini ngifundisa, kodwa kalingibambanga p. 56Kodwa konke lokhu kwenzakele, ukuze kugcwaliseke imibhalo yabaprofethi q. Basebemtshiya bonke r abafundi babaleka s.

Mark 14:43-50

Ukubotshwa kukaJesu lokuthethwa kwecala lakhe

43Kwathi esakhuluma, wahle wafika uJudasi, omunye wabalitshumi lambili, njalo elexuku elikhulu elilezinkemba lezinduku, livela kubapristi abakhulu lababhali labadala. 44Lomnikelayo wayebanike isiboniso, esithi: Lowo engizamanga, nguye; limbambe, limqhube limqinise. 45Esefikile, wahle wasondela kuye wathi: Rabi*, Rabi! Wasemanga. 46Basebemdumela, bambamba. 47Lomunye kwababemi khona wakhokha inkemba wagadla inceku yompristi omkhulu, waquma indlebe yayo.

48UJesu wasephendula wathi kubo: Liphume njengokuyamelana lomphangi yini lilezinkemba lezinduku ukuzangibamba? 49Bengilani insuku ngensuku ethempelini ngifundisa, kodwa kalingibambanga - kodwa ukuze kugcwaliseke imibhalo t. 50Bonke basebemtshiya babaleka.

Luke 22:47-53

Ukubotshwa kukaJesu

47Kwathi esakhuluma u, khangela, ixuku, lalowo okuthiwa nguJudasi, omunye wabalitshumi lambili, ehamba phambi kwabo, wasesondela kuJesu ukumanga. 48Kodwa uJesu wathi kuye: Judasi, uyayinikela yini iNdodana yomuntu ngokuyanga? 49Kwathi labo ababengakuye sebebona okuzakwenzeka bathi kuye: Nkosi, sigadle yini ngenkemba v? 50Omunye wabo wasegadla inceku yompristi omkhulu, waquma indlebe yayo yokunene. 51Kodwa uJesu waphendula wathi: Yekelani kuze kube yilokhu. Wasethinta indlebe yayo, wayisilisa w.

52UJesu wasesithi kubapristi abakhulu lezinduna zethempeli labadala ababeze kuye x: Liphume njengokuyamelana lomphangi yini lilezinkemba lezinduku? 53Nxa bengilani insuku ngensuku ethempelini, kalelulanga izandla ukumelana lami; kodwa leli lihola lenu y, lamandla obumnyama z.

Copyright information for Ndebele