a5:22
bHlab 27:12, 35:11; Seb 6:13
cMark 14:56
dDute 19:15
e27:40; Joha 2:19
fMark 2:1; Seb 24:17; Gal 2:1
gIsa 53:7; Mat 27:12,14; Mark 14:61, 15:5; Joha 19:9
hLevi 5:1; 1 Sam 14:24,26
i16:16; Joha 6:69; Seb 14:15; Josh 3:10; Hlab 42:2
j14:33; Mark 14:61
k26:25
l16:27, 25:31,32
mSeb 7:55; Hlab 110:1
nMark 9:1
oGen 44:13
pMark 3:29; Nani 35:31
qLevi 24:16; Joha 5:18, 10:33, 19:7
rIsa 50:6; Mat 27:30; Mark 10:34
sMark 14:65; 1 Kor 4:11; 2 Kor 12:7; 1 Pet 2:20; Luka 22:64
tMark 14:65; Luka 22:63
uHos 11:4; Mat 5:39; Isa 50:6; Mark 14:65; Joha 18:22, 19:3
vLuka 22:64
w14:59
x15:29
ySeb 7:48, 17:24; Heb 9:11,24
z2 Kor 5:1
aa14:59
abMat 24:30
acEsta 7:8; Luka 22:64
adMat 26:28; Luka 22:64
aeMat 26:67
afMat 26:67,68, 27:1, 26:63-65; Mark 14:65, 15:1, 14:61-64; Joha 18:19-24
agMat 27:29
ahMat 27:39; Mark 15:29; Luka 23:39
aiMat 27:1; Mark 15:1; Joha 18:24,28
ajSeb 22:5
akMat 5:22
al6:37
amHeb 1:3
anJoha 1:49
aoMat 27:11; Mark 14:62; Mat 26:64

Matthew 26:59-68

59Njalo abapristi abakhulu labadala lomphakathi wonke badinga ubufakazi bamanga obumelana loJesu, ukuze bambulale a, 60kodwa kababutholanga; lanxa kwavela abafakazi abanengi bamanga b, ababutholanga c. Kwathi emva kwalokho kwavela ababili abafakazi bamanga d, 61bathi: Lo wathi: Ngilakho ukudiliza ithempeli likaNkulunkulu e, njalo ngilakhe ngensuku ezintathu f. 62Kwasekusukuma umpristi omkhulu wathi kuye: Kawuphenduli lutho yini? Bafakazani laba okumelana lawe? 63Kodwa uJesu wathula g. Umpristi omkhulu wasephendula wathi kuye: Ngikufungisa h ngoNkulunkulu ophilayo, ukuthi usitshele ukuthi unguKristu i, iNdodana kaNkulunkulu j. 64UJesu wathi kuye: Utshilo wena k. Kodwa ngithi kini: Kusukela khathesi lizabona iNdodana yomuntu l ihlezi ngakwesokunene m samandla isiza phezu kwamayezi ezulu n. 65Umpristi omkhulu wasedabula izembatho zakhe o, wathi: Usehlambazile; sisadingelani abafakazi? Khangelani, khathesi seliyizwile inhlamba yakhe; 66licabangani? Basebephendula besithi: Ulecala p lokufa q.

67Basebemkhafulela amathe ebusweni r bamdutshuza s; labanye t bamwakala u, 68bathi: Profetha kithi, Kristu, ngubani okutshayileyo v?

Mark 14:55-65

55Labapristi abakhulu lomphakathi wonke badinga ubufakazi ngoJesu, ukuze bambulale; kodwa kababutholanga. 56Ngoba abanengi bafakaza amanga ngaye, kodwa lobubufakazi kabuvumelananga w. 57Kwasekusukuma abanye bafakaza amanga amelana laye besithi: 58Thina samuzwa esithi: Mina ngizadiliza lelithempeli x elenziwe ngezandla y, njalo ngakhe elinye elingenziwanga ngezandla z ngensuku ezintathu. 59Loba kunjalo ubufakazi babo kabuvumelananga aa. 60Kwasekusukuma umpristi omkhulu phakathi kwabo wambuza uJesu, esithi: Kawuphenduli lutho yini? Bafakazani laba okumelana lawe? 61Kodwa wathula, kaphendulanga lutho. Umpristi omkhulu wabuya wambuza, wathi kuye: Wena unguKristu, iNdodana yoBusisiweyo yini? 62UJesu wasesithi: Mina nginguye. Njalo lizabona iNdodana yomuntu ihlezi ngakwesokunene samandla, isiza ngamayezi ezulu ab. 63Umpristi omkhulu wasedabula izembatho zakhe wathi: Sisaswelelani abafakazi? 64Liyizwile inhlamba; licabangani? Bonke basebemlahla ukuthi ulecala lokufa.

65Abanye basebeqala ukumkhafulela amathe, lokumgubuzela ubuso, lokumdutshuza ac, lokuthi kuye: Profetha ad! Izinceku zasezimwakala ae.

Luke 22:63-71

UJesu uphathwa kubi

63Lamadoda ayembambile uJesu af amklolodela, amtshaya ag. 64Amembesa, amtshaya ubuso, asembuza, esithi: Profetha! Ngubani okutshayileyo? 65Akhuluma lezinye izinto ezinengi kuye ehlambaza ah.

UJesu uphambi kwabapristi abakhulu

66Kwathi sekusile ai, abadala babantu babuthana, labapristi abakhulu lababhali aj, basebemusa emphakathini wabo ak, bathi: 67Uba unguKristu, sitshele. Wasesithi kubo: Uba ngilitshela, kalisoze likholwe; 68njalo uba lami ngilibuza, kalisoze lingiphendule, loba lingikhulule al. 69Kusukela khathesi iNdodana yomuntu izahlala ngakwesokunene samandla kaNkulunkulu am. 70Basebesithi bonke: Kanti uyiNdodana kaNkulunkulu an? Wasesithi kubo: Kutsho lina ukuthi ngiyiyo ao. 71Basebesithi: Pho sisafunelani ubufakazi? Ngoba sesizizwele uqobo lwethu emlonyeni wakhe.

Copyright information for Ndebele