Matthew 26:6-13
UJesu ugcotshwa eBethani
6Kwathi uJesu a eseBethani endlini kaSimoni umlephero b, 7kwafika kuye owesifazana ephethe umfuma we-alibasta* ulamagcobo aligugu elikhulu c, wasewuthululela ekhanda lakhe ehlezi ekudleni d. 8Kodwa abafundi bebona lokhu bathukuthela, bathi: Ngokwani ukumotsha lokhu e? 9Ngoba la amagcobo angathengiswa ngokunengi, besekunikwa abayanga f. 10Kodwa uJesu ekwazi wathi kubo: Limhluphelani owesifazana? Ngoba wenzile umsebenzi omuhle kimi; 11ngoba abayanga lihlala lilabo g, kodwa mina kalihlali lilami h. 12Ngoba ngokuthululela la amagcobo emzimbeni wami, ukwenzele umngcwabo wami i. 13Ngiqinisile ngithi kini: Loba ngaphi emhlabeni wonke lapho okuzatshunyayelwa khona lelivangeli, lalokho akwenzileyo kuzakhulunywa ngakho, kube yisikhumbuzo ngaye j.John 12:1-8
1Kwathi kuselensuku eziyisithupha lingakafiki k iphasika l, uJesu wafika eBethani m, lapho okwakuloLazaro khona owayefile, ayemvuse kwabafileyo n. 2Basebemenzela ukudla kwantambama lapho o, loMarta wayesebenza p , q; njalo uLazaro wayengomunye walabo ababehlezi ekudleni laye. 3UMariya r wasethatha iphawundi yamagcobo awenadi* uqobo adulayo s, wagcoba inyawo zikaJesu t, wesula inyawo zakhe ngenwele zakhe; lendlu yagcwala iphunga lamagcobo. 4Ngakho omunye wabafundi bakhe, uJudasi Iskariyothi kaSimoni, owayezamnikela u, wathi: 5Kungani amafutha la engathengiswanga ngabodenariyo* abangamakhulu amathathu, kwasekunikwa abayanga v? 6Wakutsho-ke lokhu, kungeyisikho ukuthi ekhathalele abayanga, kodwa ngoba wayelisela, wayelesikhwama w, ethwala okwakufakwa phakathi kwaso x. 7UJesu wasesithi: Myekeleni; uwalondolozele usuku lokungcwatshwa kwami y. 8Ngoba abayanga lihlala lilabo, kodwa mina kalihlali lilami.
Copyright information for
Ndebele