Matthew 26:71-75
71Kwathi esephuma esiya esangweni a, enye incekukazi yambona, yathi kwababekhona b: Laye lo ubeloJesu weNazaretha c. 72Waphika njalo ngesifungo esithi: Kangimazi lumuntu. 73Kwathi emva kwesikhatshana d labo ababemi khona basondela bathi kuPetro: Ngeqiniso lawe ungowabo e; ngoba lokukhuluma kwakho f kuyakuveza g. 74Waseqala ukuqalekisa lokufunga esithi: Kangimazi lumuntu. Njalo lahle lakhala iqhude. 75UPetro wasekhumbula ilizwi likaJesu esithi kuye h: Lingakakhali iqhude, uzangiphika kathathu. Wasephumela ngaphandle wakhala kabuhlungu i.Mark 14:69-72
69Njalo incekukazi encane yabuya yambona, yaqala ukutsho kwababemi khona ukuthi: Lo ungomunye wabo j. 70Kodwa wabuya waphika. Kwathi emva kwesikhatshana futhi labo ababemi khona bathi kuPetro: Ngeqiniso ungomunye wabo; ngoba lawe ungumGalili k, lolimi lwakho luyavumelana l. 71Waseqala ukuqalekisa lokufunga esithi: Kangimazi lumuntu elimtshoyo. 72Iqhude laselikhala ngokwesibili. UPetro wasekhumbula ilizwi uJesu ayelitshilo kuye lokuthi: Lingakakhali kabili iqhude, uzangiphika kathathu m. Esenakane ngalokhu wakhala.Luke 22:58-62
58Emva kwesikhatshana omunye n wasembona wathi o: Lawe ungomunye wabo. Kodwa uPetro wathi: Ndoda, kangisuye. 59Sekungaba kwedlule ihola elilodwa, omunye waqinisa, esithi: Isibili laye ube laye; ngoba futhi ungumGalili. 60Kodwa uPetro wathi: Ndoda, kangazi ukuthi uthini. Njalo khonokho esakhuluma lakhala iqhude. 61INkosi yasiphenduka yamkhangela uPetro p. UPetro waselikhumbula ilizwi leNkosi, ukuthi yakhuluma njani kuye isithi: Iqhude lingakakhali, uzangiphika kathathu q. 62UPetro wasephuma phandle wakhala kabuhlungu.
Copyright information for
Ndebele