aMark 15:2-5; Luka 23:2,3; Joha 18:29-38
bMark 15:2; Luka 22:70; Joha 18:37; Mat 26:25,64; 1 Tim 6:13
c27:14, 26:63
dJoha 19:10; Mat 26:62
e27:14, 26:63
fSeb 13:8,10; Luka 23:14; Seb 24:5
gMat 22:21; Mark 12:17; Luka 20:20
h20:22
iJoha 18:33,36,37, 19:12; Seb 17:7
jMat 27:11,12; Mark 15:2,3
kJoha 18:33,36,37, 19:12; Seb 17:7
lMat 27:11-14; Mark 15:2-5; Luka 23:2,3
m1 Pet 2:12
nSeb 24:6
oMat 20:19; Mark 10:33; Luka 18:32; Joha 12:32,33
pLuka 23:2
qDan 2:44, 7:14,27; Joha 6:15
r8:23
s8:23
tMat 26:53
uLuka 13:24
v19:16
wMat 27:11
x12:27
y1 Tim 6:13
z17:17,19
aa8:47; 1 Joha 3:18,19, 4:6
ab19:4, 18:33
acMat 27:24; Mark 15:14; Luka 23:4; Joha 19:4,6; Seb 3:13

Matthew 27:11-14

UJesu uphambi kukaPilatu

11UJesu wasesima phambi kombusi; umbusi wasembuza, wathi: Wena uyiNkosi yamaJuda yini a? UJesu wasesithi: Utshilo wena b. 12Kwathi nxa esemangalelwe ngabapristi abakhulu labadala, kaphendulanga lutho c. 13UPilatu wasesithi kuye: Kawuzwa yini izinto ezingaka abazifakaza ngawe d? 14Kodwa kamphendulanga lakwelilodwa ilizwi e, waze wamangala kakhulu umbusi.

Luke 23:2-3

2Baqala ukummangalela, besithi: Simficile lo eduhisa isizwe f, esalela ukuthela kuKesari g , h, esithi nguye onguKristu iNkosi i. 3UPilatu wasembuza j, wathi: Wena uyiNkosi yamaJuda yini k? Wasemphendula wathi: Uyatsho wena.

John 18:29-38

29Ngakho uPilatu waphumela kubo, wathi: Limbeka cala bani lumuntu l? 30Basebephendula bathi kuye: Uba lo ubengesuye owenza okubi m, ngabe kasimnikelanga kuwe. 31UPilatu wasesithi kubo: Mthatheni lina, limahlulele njengomlayo wakini n. Ngakho amaJuda athi kuye: Kakuvunyelwa kithi ukubulala umuntu; 32ukuze kugcwaliseke ilizwi uJesu alikhulumayo, ukutshengisa uhlobo lokufa ayezakufa ngalo o.

33Ngakho uPilatu wabuye wangena endlini yombusi, wambiza uJesu, wathi kuye: Wena uyiNkosi yamaJuda yini p? 34UJesu wamphendula wathi: Uyazitsholo lokhu wena yini, kumbe abanye bakutshelile ngami? 35UPilatu waphendula wathi: Kanti ngingumJuda mina? Isizwe sakini labapristi abakhulu bakunikele kimi; wenzeni? 36UJesu waphendula wathi: Umbuso wami q kawusiwo walumhlaba r; uba umbuso wami ubungowalumhlaba s, inceku zami t bezizakulwa u, ukuze nginganikelwa kumaJuda v; kodwa khathesi umbuso wami kawusiwo owalapha. 37UPilatu wasesithi kuye: Ngakho uyinkosi yini? UJesu waphendula wathi: Uyatsho wena, ukuthi mina ngiyinkosi w. Mina ngazalelwa lokhu, njalo ngizele lokhu emhlabeni x, ukuze ngifakazele y iqiniso z. Wonke oweqiniso uyalizwa ilizwi lami aa. 38UPilatu wathi kuye: Liyini iqiniso?

Kwathi esetshilo lokhu, wabuya waphumela kumaJuda ab, wathi kuwo: Mina kangitholi lacala kuye ac.
Copyright information for Ndebele