Mat 27:33-56 | Ndebele | STEP | Sebefikile endaweni ethiwa yiGolgotha , okuyikuthi iNdawo yokhakhayi ,

33 Sebefikile endaweni ethiwa yiGolgotha ^a, okuyikuthi iNdawo yokhakhayi ^b, 34 bamnika iviniga ^c elixutshaniswe lenyongo ukuze alinathe; kodwa eselizwile kavumanga ukunatha ^d. 35 Futhi sebembethele, baba izembatho zakhe, benza inkatho yokuphosa ^e; ukuze kugcwaliseke okwakhulunywa ngumprofethi ukuthi: Babelana izembatho zami, benza inkatho yokuphosa ngesigqoko sami ^f. 36 Njalo sebehlala phansi bamlinda khona ^g. 37 Babeka ngaphezu kwekhanda lakhe incwadi yecala lakhe ilotshiwe ukuthi ^h: LO NGUJESU INKOSI YAMAJUDA ⁱ.

38 Kwasekubethelwa abaphangi ababili ^j kanye laye, omunye ngakwesokunene lomunye ngakwesokhohlo ^k. 39 Labadlulayo ^l bamhlambaza ^m, benikina amakhanda abo ⁿ, 40 besithi: Wena odiliza ithempeli ulakhe ngensuku ezintathu, zisindise ^o; uba uyiNdodana kaNkulunkulu, yehla esiphambanweni ^p. 41 Langokunjalo labapristi abakhulu labo bekloloda kanye lababhali labadala bathi ^q: 42 Wasindisa abanye, yena angezisindise. Uba eyiNkosi yakoIsrayeli, kehle khathesi esiphambanweni, futhi sizamkholwa ^r. 43 Wathemba kuNkulunkulu; kamkhulule khathesi, uba emthanda ^s. Ngoba wathi: NgiyiNdodana kaNkulunkulu ^t.

44 Labaphangi ^u ababebethelwe kanye laye ^v bamyangisa ngokufananayo ^w.

Ukufa kukaJesu

45 Njalo kusukela ngehola lesithupha kwaba lobumnyama emhlabeni wonke kwaze kwaba lihola lesificamunwemunye* ^x; 46 sekungaba lihola lesificamunwemunye ^y uJesu wamemeza ngelizwi elikhulu, wathi: "Eli, Eli, lama sabaktani ^z?" Okuyikuthi: Nkulunkulu wami, Nkulunkulu wami, ungitshiyeleni ^aa? 47 Njalo abanye kwababemi khona besizwa bathi: Lo ubiza uElija. 48 Njalo omunye wabo wahle wagijima, wathatha uzipho, walugcwalisa ngeviniga ^ab, waluhloma emhlangeni, wamnika ukuthi anathe ^ac. 49 Kodwa abanye bathi: Yekelani sibone ukuthi uElija uzakuza amsindise ^ad. 50 UJesu wasebuya ememeza ngelizwi elikhulu ^ae wanikela umoya ^af.

51 Futhi khangela, iveyili lethempeli ladatshulwa incezu ezimbili laqala phezulu lisiya phansi ^ag; lomhlaba wazamazama; lamadwala aqhekezeka ^ah; 52 lamangcwaba avuleka; lezidumbu ezinengi zabangcwele abasebelele zavuswa ^ai; 53 sebephumile emangcwabeni emva kokuvuka kwakhe bangena emzini ongcwele, babonakala kwabanengi ^aj.

54 Kwathi induna yekhulu lalabo ababelayo belinde uJesu ^ak, sebebonile ukuzamazama komhlaba ^al lezinto ezenzekileyo, besaba kakhulu ^am, bathi: Ngeqiniso lo ubeyiNdodana kaNkulunkulu ^an.

55 Kwakukhona lapho abesifazana abanengi bebukele ^ao bekhatshana ^ap, ababemlandele uJesu bevela eGalili ^aq, bemncedisa ^ar; 56 okwakukhona phakathi kwabo oMariya Magadalena ^as, loMariya ^at unina kaJakobe loJose ^au, lonina wamadodana kaZebediya ^av.