aLuka 12:22-31
b6:27,28,31,34; 1 Sam 9:5; Hlab 55:22; Fil 4:6; Heb 13:5; 1 Pet 5:7
cJobe 38:41
dHlab 39:5; Luka 12:26
e1 Kho 10:4-7
f8:26, 14:31, 16:8; Luka 12:28
g6:8
h1 Kho 3:11-14; Hlab 37:25; Mark 10:30; 1 Tim 4:8

Matthew 6:25-33

Ukukhathazeka, lokuthemba kuNkulunkulu

25Ngakho ngithi kini a: Lingaphisekeli impilo yenu, ukuthi lizakudlani lokuthi lizanathani; lomzimba wenu, ukuthi lizakwembathani. Impilo kayidluli yini ukudla, lomzimba izembatho b? 26Khangelani inyoni zezulu, ukuthi kazihlanyeli njalo kazivuni, kazibutheli eziphaleni; kanti uYihlo osezulwini uyazondla; lina kalizidluli kakhulu yini c? 27Njalo nguwuphi kini ngokuphisekela ongengezelela ingalo ibenye ebudeni bakhe d? 28Langezembatho liphisekelani? Qaphelisani imiduze yeganga, ukuthi ikhula njani; kayitshikatshiki, kayiphothi; 29kodwa ngithi kini: LoSolomoni ebucwazicwazini bakhe bonke wayengembathiswanga njengomunye wayo e. 30Njalo uba uNkulunkulu esembathisa ngokunjalo utshani beganga, obukhona lamuhla, kuthi kusasa buphoswe eziko, kayikulembathisa kakhulu yini, lina abokholo oluncinyane? 31Ngakho lingaphisekeli lutho, lisithi: Sizakudlani? Kumbe: Sizanathani? Loba: Sizakwembathani f? 32Ngoba zonke lezizinto izizwe ziyazidinga; ngoba uYihlo osezulwini uyazi ukuthi liyaziswela zonke lezizinto g. 33Kodwa dingani kuqala umbuso kaNkulunkulu lokulunga kwakhe, njalo zonke lezizinto zizakwengezelelwa kini h.
Copyright information for Ndebele