Matthew 8:14-16
Uninazala kaPetro labanye abagulayo bayasiliswa
14Kwathi uJesu engene endlini kaPetro a, wabona uninazala b elele njalo ebulawa luqhuqho c. 15Wasebamba isandla sakhe, njalo uqhuqho lwamyekela; wasesukuma, wabancedisa d. 16Kwathi sekuhlwile baletha kuye abanengi ababengenwe ngamadimoni; wasekhupha omoya ngelizwi, wasilisa bonke abagulayo e;Mark 1:29-34
Uninazala kaPetro labanye abagulayo bayasiliswa
29Njalo bahle baphuma f esinagogeni, bangena endlini kaSimoni loAndreya, kanye loJakobe loJohane g. 30Futhi uninazala kaSimoni wayelele eloqhuqho, njalo bahle bamtshela ngaye h; 31wasesondela, wabamba isandla sakhe wamvusa; futhi uqhuqho lwahle lwamyekela, wabasebenzela. 32Kwathi sekuhlwile, ilanga selitshona, baletha kuye bonke abagulayo lababengenwe ngamadimoni i; 33njalo umuzi wonke wawubuthene emnyango j. 34Wasesilisa abanengi ababegula izifo ezitshiyeneyo, wakhupha amadimoni amanengi k, kodwa kavumelanga amadimoni ukuthi akhulume l, ngoba ayemazi.
Copyright information for
Ndebele