Neh 1:3-10 | Ndebele | STEP | Basebesithi kimi: Labo abasalayo abasala ekuthunjweni lapho esabelweni baphakathi kokuhlupheka okukhulu lehlazo, lomduli weJerusalema wadilika , lamasango ayo atshiswa ngomlilo .

Nehemiah 1:3-10

3 Basebesithi kimi: Labo abasalayo abasala ekuthunjweni lapho esabelweni baphakathi kokuhlupheka okukhulu lehlazo, lomduli weJerusalema wadilika ^a, lamasango ayo atshiswa ngomlilo ^b.

4 Kwasekusithi sengizwe lamazwi ngahlala phansi ngakhala inyembezi, ngalila okwezinsuku, ngizila ukudla, ngikhuleka phambi kukaNkulunkulu wamazulu ^c. 5 Ngathi: Ngiyancenga, Nkosi, Nkulunkulu wamazulu, Nkulunkulu omkhulu lowesabekayo ^d, ogcina isivumelwano lomusa kulabo abamthandayo labagcina imilayo yakhe ^e, 6 indlebe yakho ake ilalele ^f, lamehlo akho avuleke, ukuzwa umkhuleko wenceku yakho engiwukhuleka phambi kwakho lamuhla emini lebusuku ^{g
,} ^h ngabantwana bakoIsrayeli, inceku zakho, njalo ngivuma ngenxa yezono zabantwana bakoIsrayeli esizone kuwe ⁱ. Yebo, mina lendlu kababa sonile ^j; 7 senze kubi lokwenza kubi kuwe, kasigcinanga imilayo lezimiso lezahlulelo ^k owalaya ngakho uMozisi inceku yakho ^l. 8 Ake ukhumbule ilizwi owalaya ngalo uMozisi inceku yakho usithi: Uba lina liphambuka, mina ngizalichithachitha phakathi kwezizwe ^m; 9 uba lina liphendukela kimi, lilondoloza imilayo yami, liyenze ⁿ, lanxa abaxotshiweyo benu besephethelweni lamazulu, ngizababutha besuka lapho ^o ngibaletha endaweni engiyikhethileyo ukubeka ibizo lami khona ^p. 10 Laba-ke bazinceku zakho labantu bakho owabahlenga ngamandla akho amakhulu langesandla sakho esiqinileyo ^q.