Num 15:4-12 | Ndebele | STEP | lowo-ke onikelayo umnikelo wakhe eN kosi ni uzasondeza umnikelo wokudla, ube ngokwetshumi lempuphu ecolekileyo ixubene lengxenye yesine yehini * yamafutha ;

hNani 28

Numbers 15:4-12

4 lowo-ke onikelayo umnikelo wakhe eNkosini ^a uzasondeza umnikelo wokudla, ube ngokwetshumi lempuphu ecolekileyo ^b ixubene lengxenye yesine yehini* yamafutha ^c; 5 lewayini libe ngumnikelo wokunathwayo, ingxenye yesine yehini*, uzakulungisa lomnikelo wokutshiswa loba umhlatshelo, owewundlu elilodwa ^d. 6 Kumbe owenqama lizalungisa umnikelo wokudla, ube zingxenye ezimbili etshumini zempuphu ecolekileyo ixubene lamafutha, ingxenye yesithathu yehini* ^e; 7 lewayini libe ngumnikelo wokunathwayo, ingxenye yesithathu yehini*, uzalinikela libe liphunga elimnandi eNkosini. 8 Njalo nxa lilungisa ithole eliduna lenkomo libe ngumnikelo wokutshiswa kumbe umhlatshelo, owokugcwalisa isithembiso, kumbe iminikelo yokuthula eNkosini ^f, 9 uzanikelela-ke ithole lenkomo umnikelo wokudla, ube zingxenye ezintathu etshumini lempuphu ecolekileyo ixubene lamafutha, ingxenye yehini* ^g. 10 Linikele iwayini libe ngumnikelo wokunathwayo, ingxenye yehini, kube ngumnikelo owenziwe ngomlilo olephunga elimnandi eNkosini. 11 Kuzakwenziwa njalo ngaleyonkunzi, loba ngaleyonqama, loba ngewundlu, kumbe ngezinyane ^h. 12 Njengenani elizalilungisa, lizakwenza njalo kuleyo laleyo, ngokwenani lazo.