Num 21:4, Deu 2:1-8 | Ndebele | STEP | Basebesuka entabeni yeHori, ngendlela yoLwandle oluBomvu ukuze baceze ilizwe leEdoma; lomphefumulo wabantu wadinwa endleleni .

a20:22, 33:41

Numbers 21:4

Inyoka ezilokutshisa

4 Basebesuka entabeni yeHori, ngendlela yoLwandle oluBomvu ^a ukuze baceze ilizwe leEdoma; lomphefumulo wabantu wadinwa endleleni ^b.

Deuteronomy 2:1-8

1 Sasesiphenduka, sasuka saya enkangala, indlela yoLwandle oluBomvu, njengokutsho kweNkosi kimi; njalo sayibhoda intaba yeSeyiri insuku ezinengi ^c. 2 INkosi yasikhuluma kimi isithi: 3 Selibhode intaba le okweneleyo; phendukelani lina enyakatho ^d. 4 Balaye-ke abantu usithi: Lidabula umngcele wabafowenu, abantwana bakaEsawu ^e abahlala eSeyiri ^f. Njalo bazalesaba, ngakho lizinanzelele kakhulu, 5 lingalwi labo; ngoba kangiyikulinika okwelizwe labo, lelingangokunyathela kwangaphansi konyawo ^g, ngoba ngimnikile uEsawu intaba yeSeyiri ibe yilifa ^h. 6 Lizathenga ukudla kubo ngemali ukuze lidle, lithenge kubo lamanzi ngemali ukuze linathe. 7 Ngoba iNkosi uNkulunkulu wakho ikubusisile emsebenzini wonke wesandla sakho; iyazi ukuhamba kwakho kulinkangala enkulu. Le iminyaka engamatshumi amane iNkosi uNkulunkulu wakho ibilawe, kawuswelanga lutho ⁱ. 8 Uba sisedlula sisuka kubafowethu, abantwana bakaEsawu abahlala eSeyiri ^j, ngendlela yegceke sisuke eElathi ^k njalo sisuka eEziyoni-Geberi ^l, saphenduka, sadlula ngendlela yenkangala yakoMowabi.