Num 3:23-38 | Ndebele | STEP | Insendo zamaGerishoni zizamisa amathente azo ngemva kwethabhanekele ngentshonalanga .

Numbers 3:23-38

23 Insendo zamaGerishoni zizamisa amathente azo ngemva kwethabhanekele ngentshonalanga ^a. 24 Lesiphathamandla sendlu kayise wamaGerishoni sizakuba nguEliyasafi indodana kaLayeli. 25 Lemfanelo yamadodana kaGerishoni ethenteni lenhlangano izakuba ^b lithabhanekele ^c, lethente ^d, isifulelo salo ^e, lesilenge somnyango wethente lenhlangano, 26 lamakhetheni eguma ^f, lesilenge somnyango weguma elingasethabhanekeleni lelingaselathini inhlangothi zonke ^g, lentambo zalo, ngokomsebenzi walo wonke ^h.

27 LakuKohathi kwakulosendo lwamaAmramu, losendo lwamaIzihari, losendo lwamaHebroni, losendo lwamaUziyeli. Lezi zinsendo zamaKohathi ⁱ. 28 Kunani labo bonke abesilisa, kusukela kolenyanga kusiya phezulu, babeyizinkulungwane eziyisificaminwembili lamakhulu ayisithupha, begcina imfanelo yendlu engcwele. 29 Insendo zamadodana kaKohathi zizamisa amathente azo eceleni kwethabhanekele ngeningizimu ^j. 30 Lesiphathamandla sendlu kayise wensendo zamaKohathi sizakuba nguElizafani indodana kaUziyeli ^k. 31 Lemfanelo yawo izakuba ngumtshokotsho ^l, letafula ^m, loluthi lwesibane ⁿ, lamalathi ^o, lezitsha zendlu engcwele abakhonza ngazo, lesilenge ^p, layo yonke inkonzo yalo. 32 Njalo umphathi weziphathamandla zamaLevi uzakuba nguEleyazare, indodana kaAroni umpristi; ubuphathi bakhe babukwabagcina ukulindwa kwendlu engcwele.

33 KoMerari kwakulusendo lwamaMahli losendo lwamaMushi; lezi zinsendo zamaMerari. 34 Lababalwayo babo, ngenani labo bonke abesilisa, kusukela kolenyanga kusiya phezulu, babeyizinkulungwane eziyisithupha lamakhulu amabili. 35 Lesiphathamandla sendlu kayise wensendo zakoMerari sizakuba nguZuriyeli indodana kaAbihayili. Bazamisa amathente abo eceleni kwethabhanekele ngenyakatho. 36 Lobuphathi bokulinda bamadodana kaMerari buzakuba ngamapulanka ethabhanekele ^q, lemithando yalo ^r, lensika zalo ^s, lezisekelo zalo ^t, lezitsha zalo zonke, lawo wonke umsebenzi walo, 37 lensika zeguma inhlangothi zonke, lezisekelo zazo ^u, lezikhonkwane zazo ^v, lentambo zazo ^w.

38 Lalabo ababemise amathente abo phambi kwethabhanekele ngempumalanga, phambi kwethente lenhlangano, kwakungoMozisi loAroni lamadodana akhe, belondoloza ukulindwa kwendlu engcwele, kusenzelwa umlindo wabantwana bakoIsrayeli ^x. Lowemzini osondelayo uzabulawa ^y.