Num 32:1-5, 16-19 | Ndebele | STEP | Mayelana labantwana bakoRubeni labantwana bakoGadi, babelenkomo ezinengi, ezinengi kakhulu. Sebebone ilizwe leJazeri lelizwe leGileyadi, khangela-ke, indawo yayiyindawo yenkomo.

a32:3,35, 21:32

b32:34, 21:30

c 32:38, 33:47; Dute 32:49; 1 Lan 5:8; Isa 15:2, 46:1; Jer 48:1,22

d21:24,34,35, 32:33

e Josh 4:12,13

f32:20, 31:3

g Josh 22:4

h 32:33; Josh 12:1, 13:8

‏ Numbers 32:1-5

1 Mayelana labantwana bakoRubeni labantwana bakoGadi, babelenkomo ezinengi, ezinengi kakhulu. Sebebone ilizwe leJazeri ^a lelizwe leGileyadi, khangela-ke, indawo yayiyindawo yenkomo. 2 Ngakho abantwana bakoGadi labantwana bakoRubeni beza bakhuluma kuMozisi lakuEleyazare umpristi lakuziphathamandla zenhlangano, besithi: 3 IAtarothi leDiboni ^b leJazeri leNimra leHeshiboni leEleyale leSebamu leNebo ^c leBeyoni, 4 ilizwe iNkosi eyalitshayayo phambi kwenhlangano yakoIsrayeli, liyilizwe lezinkomo; futhi izinceku zenu zilezinkomo ^d. 5 Basebesithi: Nxa sithole umusa emehlweni akho, ilizwe leli kaliphiwe inceku zakho libe yimfuyo; ungasichaphisi iJordani.

‏ Numbers 32:16-19

16 Basebesondela kuye bathi: Sizakwakha lapha izibaya zezifuyo zethu, lemizi yabantwanyana bethu; 17 kodwa thina sizahloma ^e silungile phambi kwabantwana bakoIsrayeli ^f, size sibafikise endaweni yabo, labantwanyana bethu bazahlala emizini evikelekileyo, ngenxa yabahlali belizwe. 18 Kasiyikubuyela emizini yethu, abantwana bakoIsrayeli baze badle, ngulowo lalowo ilifa lakhe ^g. 19 Ngoba kasiyikudla ilifa kanye labo ngaphetsheya kweJordani langaphambili, ngoba ilifa lethu selehlele kithi nganeno kweJordani empumalanga ^h.