Numbers 32:20-28
20UMozisi wasesithi kubo: Nxa lisenza linto, nxa lizahamba lihlomele impi phambi kweNkosi a, 21beselichapha iJordani, wonke ohlomileyo kini, phambi kweNkosi b, ize ixotshe izitha zayo phambi kwayo c, 22lelizwe lehliselwe phansi phambi kweNkosi, khona emva kwalokho lizabuya, lingabi lacala eNkosini lakuIsrayeli; lalelilizwe lizakuba yilifa lenu phambi kweNkosi. 23Kodwa nxa lingenzi njalo, khangelani lizabe lonile eNkosini; ngakho yazini ukuthi isono senu sizalithola d. 24Zakheleni imizi yabantwanyana benu lezibaya zezimvu zenu e, njalo yenzani lokho okuphume emlonyeni wenu. 25Abantwana bakoGadi labantwana bakoRubeni basebekhuluma kuMozisi besithi: Izinceku zakho zizakwenza njengalokho inkosi yami ilaya. 26Abantwanyana bethu, omkethu, izimvu zethu, lazo zonke izifuyo zethu kuzakuba lapho emizini yeGileyadi; 27kodwa inceku zakho zizachapha, ngulowo lalowo ehlomele impi f, phambi kukaJehova empini, njengokutsho kwenkosi yami. 28UMozisi waselayezela ngabo kuEleyazare umpristi, loJoshuwa indodana kaNuni g, lenhloko zaboyise zezizwe zabantwana bakoIsrayeli.
Copyright information for
Ndebele