Ezr 3:9-11, Psa 118:22, Isa 28:16, Dan 2:45, Zec 4:7 | Ndebele | STEP | Kwasekusukuma oJeshuwa, amadodana akhe, labafowabo , uKadimiyeli lamadodana akhe , abantwana bakoJuda, njengo muntu munye ukongamela abenzi bomsebenzi endlini kaNkulunkulu , amadodana kaHenadadi , amadodana abo labafowabo amaLevi.

Ezra 3:9-11

9 Kwasekusukuma oJeshuwa, amadodana akhe, labafowabo ^a, uKadimiyeli lamadodana akhe ^b, abantwana bakoJuda, njengomuntu munye ukongamela abenzi bomsebenzi endlini kaNkulunkulu ^c, amadodana kaHenadadi ^d, amadodana abo labafowabo amaLevi. 10 Abakhi sebebekile isisekelo sethempeli leNkosi, bamisa abapristi begqokile ^e belezimpondo ^f, lamaLevi, amadodana kaAsafi, elensimbi ezincencethayo, ukudumisa iNkosi ^g, njengokwezandla zikaDavida inkosi yakoIsrayeli ^h. 11 Baphendulana ngokuhlabela bedumisa bebonga iNkosi ⁱ, ngoba ilungile, ngoba umusa wayo umi kuze kube nininini kuIsrayeli ^j. Bonke abantu basebememeza ngokumemeza okukhulu ekuyidumiseni iNkosi, ngoba isisekelo sendlu yeNkosi sasesibekiwe.

Psalms 118:22

22 Ilitshe abakhi abalalayo ^k seliyinhloko yengonsi ^l.

Isaiah 28:16

16 Ngakho itsho njalo iNkosi uJehova: Khangela, ngibeka eZiyoni ^m ilitshe ⁿ lesisekelo, ilitshe elihloliweyo ^o, ilitshe lengonsi eliligugu ^p, isisekelo esisekelweyo ^q; okholwayo kayikuphangisa ^{r
,} ^s.

Daniel 2:45

45 Ngenxa yokuthi ^t wabona ^u ukuthi ilitshe liqetshulwa entabeni ^v, kungengezandla, lokuthi lachoboza insimbi, ithusi, ibumba, isiliva, legolide; uNkulunkulu omkhulu ^w uyazisile inkosi okuzakwenzeka emva kwalokhu; iphupho liqinisekile, lengcazelo yalo ithembekile.

Zechariah 4:7

7 Ungubani wena, ntaba enkulu ^x? Phambi kukaZerubhabheli ^y uzakuba ligceke ^z. Yena uzaveza ilitshe eliyinhloko ^aa ngokumemeza okukhulu ^ab: Umusa, umusa kulo ^ac!