Psa 12:5, Lam 1:4, 8, 11, Eze 21:6-7 | Ndebele | STEP | Ngenxa yokubandezelwa kwabayanga, ngenxa yokububula kwabaswelayo , sengizavuka, kutsho iN kosi . Ngizabeka ekulondolozekeni amvuthelayo .

Psalms 12:5

5 Ngenxa yokubandezelwa ^a kwabayanga, ngenxa yokububula kwabaswelayo ^b, sengizavuka, kutsho iNkosi ^c. Ngizabeka ekulondolozekeni amvuthelayo ^d.

Lamentations 1:4

4 Indlela zeZiyoni ziyalila, ngoba kungekho ozayo emkhosini ^e omisiweyo; wonke amasango ^f ayo angamanxiwa; abapristi bayo bayabubula ^g, izintombi zayo ezimsulwa zidabukile ^h, layo isekubabeni.

Lamentations 1:8

8 IJerusalema yonile kakhulu, ngakho-ke isingcolile; bonke ababeyihlonipha bayidelela, ngoba sebebonile ⁱ ubuze bayo; yona isibubula ^j, ibuyele emuva.

Lamentations 1:11

11 Bonke abantu bayo bayabubula ^k, bedinga ^l isinkwa; banike izinto zabo ^m eziloyisekayo ngokudla ukuthi ⁿ bavuselele umphefumulo. Bona, Nkosi, ukhangele, ngoba ngiyadelelwa.

Ezekiel 21:6-7

6 Wena-ke, ndodana yomuntu, bubula ngokudabuka kokhalo, langokubaba ububule phambi kwamehlo abo ^o. 7 Kuzakuthi-ke nxa besithi kuwe: Wena ububulelani? uzaphendula: Ngenxa yombiko; ngoba uyeza; layo yonke inhliziyo izancibilika ^p, lazo zonke izandla zizakuba buthakathaka, lawo wonke umoya udangale ^q, lawo wonke amadolo ageleze njengamanzi ^r. Khangela kuyeza, kuzakwenzeka, itsho iNkosi uJehova ^s.