Psa 78:12, 105:27-36 | Ndebele | STEP | Phambi kwaboyise wenza isimangaliso elizweni leGibhithe, e gange ni leZowani .

Psalms 78:12

12 Phambi kwaboyise wenza isimangaliso ^a elizweni leGibhithe, egangeni leZowani ^b.

Psalms 105:27-36

27 Babeka phakathi kwabo izinto zezibonakaliso zayo ^c, lezimangaliso ^d elizweni lakoHamu ^e. 28 Yathumela umnyama ^f, yenza kwaba mnyama ^g; njalo kabavukelanga ilizwi layo ^h. 29 Yaphendula amanzi abo aba ligazi, yabulala inhlanzi zawo ⁱ. 30 Ilizwe labo ^j lanyakazela amaxoxo ^k, emakamelweni amakhosi abo. 31 Yakhuluma ^l, kwavela umtshitshi wezibawu ^m, intwala emngceleni wabo wonke ⁿ. 32 Yabanika isiqhotho saba lizulu ^o, umlilo olamalangabi elizweni labo ^p. 33 Yasitshaya isivini sabo lomkhiwa wabo, yephula izihlahla zomngcele wabo ^q. 34 Yakhuluma ^r, kwasekuvela isikhonyane ^s lemihogoyi, okungelakubalwa ^t, 35 okwaqeda yonke imibhida elizweni labo, kwaqeda isithelo somhlabathi wabo. 36 Yasitshaya amazibulo wonke elizweni labo ^u, okokuqala kwamandla abo wonke ^v.