Rev 4 | Ndebele | STEP | Emva kwalezizinto ngabona, futhi khangela, umnyango uvulekile ezulwini, lelizwi lokuqala engalizwayo linjengelophondo likhuluma lami , lisithi: Yenyukela lapha , njalo ngizakutshengisa izinto ezimele zenzeke emva kwalezizinto .

1 Emva kwalezizinto ngabona, futhi khangela, umnyango uvulekile ezulwini, lelizwi lokuqala engalizwayo linjengelophondo likhuluma lami ^a, lisithi: Yenyukela lapha ^b, njalo ngizakutshengisa izinto ezimele zenzeke emva kwalezizinto ^c.

2 Njalo ngahle ngaba kuMoya ^d; khangela-ke, isihlalo sobukhosi samiswa ^{e
,} ^f ezulwini ^g, laphezu kwesihlalo sobukhosi ohleziyo; 3 njalo ohleziyo wayebonakala efanana lelitshe ijaspi* ^h lesardiyusi ⁱ, lomchilowamakhosikazi ^j wawuzingelezele isihlalo sobukhosi ubonakala njenge-emeraldi* ^k. 4 Lezihlalo zobukhosi ezingamatshumi amabili lane zazihanqe isihlalo sobukhosi ^{l
,} ^m; laphezu kwezihlalo zobukhosi ngabona abadala abangamatshumi amabili lane behlezi ^{n
,} ^o, bembethe izembatho ezimhlophe ^p, njalo belemiqhele yegolide ^q emakhanda abo. 5 Lesihlalweni sobukhosi kwaphuma imibane lemidumo lamazwi ^r; lezibane zomlilo eziyisikhombisa zazibhebha phambi kwesihlalo sobukhosi ^s, ezingomoya abayisikhombisa bakaNkulunkulu ^t; 6 laphambi kwesihlalo sobukhosi kwakukhona ulwandle lwengilazi ^u, lufanana lekristali* ^v. Laphakathi kwesihlalo sobukhosi ^w lekuzingelezeleni kwesihlalo sobukhosi ^x kwakukhona izidalwa ezine eziphilayo ^y zigcwele amehlo ngemuva ^z laphambili ^aa. 7 Lesidalwa esiphilayo sokuqala sasifanana lesilwane ^ab, lesidalwa esiphilayo sesibili sasifanana lethole, lesidalwa esiphilayo sesithathu sasilobuso njengomuntu, lesidalwa esiphilayo sesine sasifanana lokhozi oluphaphayo; 8 lezidalwa ezine eziphilayo zilempiko eziyisithupha ^ac ileso laleso ngokukhethekileyo emaceleni wonke, langaphakathi zigcwele amehlo ^ad, njalo kazilakuphumula emini lebusuku ^ae, zisithi: Ingcwele, ingcwele, ingcwele, iNkosi uNkulunkulu ^af uSomandla ^ag, owayekhona lokhona lozakuza ^ah. 9 Kuthi lapho izidalwa eziphilayo zimnika ubukhosi ^ai lodumo ^{aj
,} ^ak lokubongwa lowo ohlezi esihlalweni sobukhosi ^al, ophilayo kuze kube nini lanini ^am, 10 abadala abangamatshumi amabili lane ^an baziwisela phansi phambi kohlezi esihlalweni sobukhosi, basebemkhonza ophilayo kuze kube nini lanini ^ao, bephosela imiqhele yabo phambi kwesihlalo sobukhosi ^ap, besithi: 11 Ufanele, Nkosi ^aq, ukwemukela ubukhosi ^ar, lodumo ^{as
,} ^at lamandla; ngoba wena wadala izinto zonke ^au, langentando yakho zikhona, zadalwa.