Rom 1:18-32 | Ndebele | STEP | Ngoba ulaka lukaNkulunkulu luyabonakaliswa luvela ezulwini phezu kwakho konke ukungakhonzi uNkulunkulu lokungalungi kwabantu abavimbela iqiniso ngokungalungi ;

18 Ngoba ulaka lukaNkulunkulu luyabonakaliswa luvela ezulwini phezu kwakho konke ukungakhonzi uNkulunkulu lokungalungi kwabantu abavimbela iqiniso ngokungalungi ^a; 19 ngoba ^b lokho okwaziwayo ngoNkulunkulu kusobala phakathi kwabo; ngoba uNkulunkulu ukubonakalisile kubo ^c. 20 Ngoba okungabonwayo kwakhe, selokhu kwadatshulwa umhlaba ^d, kuzwisiseka ngezinto ezenziweyo, kubonakaliswa obala, ngitsho amandla akhe aphakade kanye lobuNkulunkulu bakhe ^e, kuze kuthi kabalakuzivikela ^f; 21 ngoba kuthe bemazi uNkulunkulu, kabamdumisanga njengoNkulunkulu kabambonga, kodwa baba ^g yize kumicabango yabo ^h, lenhliziyo yabo engaqondiyo ⁱ yenziwa yaba mnyama ^j. 22 Bezitshaya abahlakaniphileyo baba yizithutha ^k, 23 lenkazimulo kaNkulunkulu ongabhubhiyo bayiphendulela ^l ekufananeni lomfanekiso womuntu obhubhayo ^m, lowezinyoni, lowezidalwa ezilenyawo ezine, lowokuhuquzelayo ⁿ. 24 Ngalokho-ke uNkulunkulu wabanikela emanyaleni, enkanukweni zenhliziyo zabo ^o, ukuthi badumaze imizimba yabo phakathi kwabo ^p; 25 abaphendulela iqiniso likaNkulunkulu ^q emangeni ^r, basebedumisa bekhonza okudaliweyo kuloMdali, ongobongekayo kuze kube phakade. Ameni ^s. 26 Ngenxa yalokho uNkulunkulu wabanikela ^t enkanukweni ezilihlazo ^u; ngoba labesifazana babo baphendula ukwenza kwemvelo kwaba ngokuphambene lemvelo ^v; 27 langokunjalo labesilisa bayekela ukwenza kwemvelo kowesifazana, batsha ngokukhanukana kwabo, abesilisa labesilisa benza okulihlazo, bemukeliswa phakathi kwabo umvuzo ofanele ukuduha kwabo. 28 Njalo njengalokhu bengavumanga ukuba lolwazi ngoNkulunkulu ^w, uNkulunkulu wabanikela ukuthi babe lengqondo ebolileyo ^x, eyokwenza izinto ezingafanelanga ^y; 29 begcwaliswe konke ukungalungi, ukuphinga, ububi ^{z
,} ^aa, umhawu ^ab, inzondo ^{ac
,} ^{ad
,} ^ae; begcwele umona ^af, ukubulala, inkani, inkohliso, ulunya ^ag; abahlebayo ^ah, 30 abanyeyayo ^ai, abazonda uNkulunkulu ^aj, abangelamakhanda ^ak, abazigqajayo ^{al
,} ^am, abazikhukhumezayo ^an, abaqambi bezinto ezimbi ^ao, abangalaleli abazali ^ap, 31 abangelangqondo, abephula izithembiso ^aq, abalolunya ^ar, abangelakuxoliswa, abangelasihawu ^as; 32 abathi besazi umlayo wokulunga kaNkulunkulu ^at, ukuthi abenza izinto ezinjalo bafanele ukufa ^au, kungesikuthi bayazenza kuphela, kodwa futhi bevumelana labazenzayo ^av.