Rut 1:2, 4:11, Mic 5:2, Mat 2:6, 16-18 | Ndebele | STEP | Njalo ibizo lalowomuntu lalinguElimeleki, lebizo lomkakhe lalinguNawomi, lebizo lamadodana akhe amabili lalinguMaheloni loKiliyoni, amaEfratha eBhethelehema-Juda. Basebesiza elizweni lakoMowabi , baba khona.

Ruth 1:2

2 Njalo ibizo lalowomuntu lalinguElimeleki, lebizo lomkakhe lalinguNawomi, lebizo lamadodana akhe amabili lalinguMaheloni loKiliyoni, amaEfratha ^a eBhethelehema-Juda. Basebesiza elizweni lakoMowabi ^b, baba khona.

Ruth 4:11

11 Bonke abantu ababesesangweni labadala basebesithi: Singabafakazi; kungathi iNkosi ingamenza lo owesifazana ongena endlini yakho abe njengoRasheli lanjengoLeya abakha bobabili indlu kaIsrayeli ^c. Njalo wenze ngamandla eEfratha ^d, uzenzele ibizo eBhethelehema,

Micah 5:2

2 Kodwa wena ^e, Bhethelehema Efratha ^f, lanxa umncinyane phakathi kwezinkulungwane ^g zakoJuda ^h, uzaphuma kuwe eze kimi lowo ozakuba ngumbusi koIsrayeli ⁱ; okuphuma kwakhe ^j ngokwasendulo ^k, ezinsukwini zaphakade ^l.

Matthew 2:6

6 Lawe, Bhethelehema, lizwe lakoJuda, kawusuye omncinyane lakanye phakathi kwababusi bakoJuda; ngoba kuzavela kuwe umbusi, ozakwelusa abantu bami uIsrayeli ^m.

Matthew 2:16-18

Ukubulawa kwabantwana beBhethelehema

16 Kwathi uHerodi, esebonile ukuthi uphicwe yizazi, wathukuthela kakhulu, wathuma wabulala abantwana bonke ababeseBhethelehema lemingceleni yayo yonke, kusukela eminyakeni emibili langaphansi, njengesikhathi abebuzisise ngaso kuzazi. 17 Kwasekugcwaliseka okwakhulunywa nguJeremiya umprofethi ⁿ, ukuthi: 18 Kwezwakala ilizwi eRama ^o, ukukhala lokulila lokudabuka okukhulu, uRasheli elilela abantwana bakhe, njalo engavumi ukududuzwa, ngoba bengasekho.