S. Ians tweede Epistel
Die tweede Epistel van Sint Ian Apostel. 2 John
1DIE ouder der wtuercorender vrouwen ende haeren kinderen die ick lief hebbe inder waerheyt, ende niet ick alleen, maer oock alle die de waerheyt ghekent hebben, 2om die waerheyt die altijt in ons blijft, ende met ons sijn sal inder eewicheyt. 3Met v sij gratie, bermherticheyt, vrede van Godt den vader, ende van Christo Iesu den sone des vaders, in die waerheyt ende liefde. 4Ick heb seer blijde gheweest dat ick gheuonden hebbe van uwen kinderen wandelende in die waerheyt, ghelijck wy een ghebodt ontfanghen hebben van den vader. 5Ende nu bidde ick v vrouwe, niet als een nieuwe ghebodt tot v scrijuende, maer dat wy ghehadt hebben van tbeghinsel, dat wy malcanderen souden lief hebben. 6Ende dit is die liefde dat wy wandelen souden nae sijn gheboden. Want dat is tghebodt dat ghy (ghelijck ghy ghehoort hebt van tbeghinsel) daer in soudt wandelen, 7want veel bedrieghers sijn wtghegaen in die werelt, die niet en belijden dat Iesus ghecomen is inden vleesche, dit is die verleyder ende antechrist. 8Siet voer v seluen op dat ghy niet en verliest tghene dat ghy ghewracht hebt, maer dat ghy vollen loon moecht ontfanghen. 9Alle die wech gaet, ende niet en blijft in Christus leeringhe, die en heeft Godt niet. Soe wie in die leeringhe blijft, die heeft den vader ende den sone. 10Eest dat iemant tot v lieden coemt, ende dese leeringhe niet mede en brenghet, en wilt dien in huys niet ontfanghen, noch en groet hem niet. 11Want die hem een groete seyt, die wort deelachtich sijnder quader wercken. 12Ick hebbende v veel te scrijuen en heb dat niet willen doen doer pampier ende inct, want ic hope by v te sijn ende mont aen mont te spreken, op dat v blijscap mach volcomen sijn. 13Die kinderen van uwe wtuercorene suster groeten v. Hier voleyndt die tweede Epistel van Sint Ian Apostel.
Copyright information for
NldLeuv1548