Psa 114 | NldLeuv1548 | STEP | ICk heb bemint, want die Heere sal verhooren die stemme mijns ghebedts.

‏ Psalms 114

Den .C.xiiij. Psalm.

1 ICk heb bemint, want die Heere sal verhooren die stemme mijns ghebedts.

2 Want hy heeft sijn oore nae my gheneycht, ende in mijn daghen sal ick aenroepen.

3 Die pijnen der doot hebben my onuanghen, ende die perikelen der hellen hebben my gheuonden.

Verdructheyt ende pijne heb ick gheuonden, 4 ende den naem des Heeren heb ick aengheroepen.

O Heere verlost mijn ziele 5 bermhertich Heere, ende rechtuerdich, ende ons Godt die ontfermherticheyt doet.

6 Die Heere bewarende die cleyne, ick ben verootmoedicht gheweest ende hy heeft my verlost.

7 Keert weder om mijn ziele in v ruste, want die Heere heeft v wel ghedaen.

8 Want hy heeft mijn ziele verlost vander doot, mijn ooghen van tranen, mijn voeten vanden valle.

9 Ick sal den Heere behaghen int lantschap der leuender.