‏ Psalms 135

Den .C.xxxv. Psalm.

Confitemini Domino.

1BElijdt den Heere want hy is goet, want inder eewicheyt is sijn bermherticheyt.

2Belijdt den Godt der goden, want inder eewicheyt duert sijn bermherticheyt.

3Belijdt den Heere der Heeren, want inder eewicheyt duert sijn bermherticheyt.

4Die groote wonderlijcke dinghen doet alleene, want inder eewicheyt duert sijn bermherticheyt.

5Die die hemelen ghemaect heeft doer tverstant, want inder eewicheyt duert sijn bermherticheyt.

6Die deerde vast ghemaect heeft op die wateren, want inder eewicheyt duert sijn bermherticheyt.

7Die ghemaect heeft die groote lichten, want inder eewicheyt duert sijn bermherticheyt.

8Die sonne totter macht des daechs, want inder eewicheyt duert sijn bermherticheyt.

9Die mane ende die sterren tot die macht des nachts, want inder eewicheyt duert sijn bermherticheyt.

10Die Egypten gheslaghen heeft met haren iersten gheborenen, want inder eewicheyt duert sijn bermherticheyt.

11Die Israel wt gheleyt heeft wt dat midden van hen lieden, want inder eewicheyt duert sijn bermherticheyt.

12Doer een machtighe handt, ende eenen wtghestrecten arm, want inder eewicheyt duert sijn bermherticheyt.

13Die ghedeylt heeft die roode zee in deelen, want inder eewicheyt duert sijn bermherticheyt.

14Ende heeft Israel wt gheleyt doert midden van haer, want inder eewicheyt duert sijn bermherticheit.

15Ende heeft neder gheworpen Pharao ende sijn macht in die roode zee, want inder eewicheyt duert sijn bermherticheyt.

16Die sijn volck gheleyt heeft doer die woestijne, want inder eewicheyt duert sijn bermherticheyt.

17Die groote coninghen verslaghen heeft, want inder eewicheyt duert sijn bermherticheyt.

18Ende heeft ghedoot stercke coninghen, want inder eewicheyt duert sijn bermherticheyt.

19Sehon den coninck vanden Amorrheen, want inder eewicheyt duert sijn bermherticheyt.

20Ende Og den coninck van Basan, want inder eewicheyt duert sijn bermherticheyt.

21Ende heeft hen lant ghegheuen tot een erffenisse, want inder eewicheyt duert sijn bermherticheyt.

22Een erffenisse voer Israel sijnen dienaer, want inder eewicheyt duert sijn bermherticheyt.

23Want in onse ootmoedicheyt heeft hy onser ghedachtich gheweest, want inder eewicheyt duert sijn bermherticheyt.

24Ende hy heeft ons verlost van onsen vianden, want inder eewicheyt duert sijn bermherticheyt.

25Die spijse gheeft allen vleesche, want inder eewicheyt duert sijn bermherticheyt.

26Belijdt Gode des hemels, want inder eewicheyt duert sijn bermherticheyt.

Belijdt den Heere der Heeren, want inder eewicheyt duert sijn bermherticheyt.