Psa 4 | NldLeuv1548 | STEP | ALs ick aenriep, soo heeft my verhoort die Godt van mijnder rechtuerdicheyt, in die tribulacie hebdy my verbreydt. Ontfermt v mijnder ende verhoort mijn ghebedt.

‏ Psalms 4

Den .iiij. Psalm.

1 ALs ick aenriep, soo heeft my verhoort die Godt van mijnder rechtuerdicheyt, in die tribulacie hebdy my verbreydt.

Ontfermt v mijnder ende verhoort mijn ghebedt.

2 Kinderen der menschen hoe langhe suldy wesen swaer van herten? waer toe bemindy ydelheyt ende suect lueghenen.

3 Ende weet dat die Heere wonderlijck ghemaect heeft sijnen heylighen, die Heere sal my verhooren als ick tot hem roepen sal.

4 Weest gram, ende en wilt niet sondighen van dat ghy in uwe herten segghet, ende in v slaepcamer, wort beweecht tot rouwe.

5 Offert dat sacrificie der rechtuerdicheyt, ende hoopt inden Heere, vele segghen wie heeft ons goede dinghen ghetoont.

6 Gheteekent is op ons dlicht ws aensichts o Heere, ghy hebt ghegheuen blijscap in mijn herte.

7 Van die vrucht haerder terwen, wijn, ende olien sijn sij vermenichfuldicht.

8 Inden vrede sal ick te samen slapen ende rusten.

9 Want ghy Heere hebt my sonderlinghe in die hope ghesteldt.