Psa 145 | NldLeuv1548 | STEP | MYn ziele louet den Heere, ick sal de n Heere loue n in mijn leue n , ic sal de n Heere lofsinghe n soe lange als ick wesen sal. En wilt v niet betrouwe n op die prince n ,

‏ Psalms 145

Den .C.xlv. Psalm.

Lauda anima mea etc.

1 MYn ziele louet den Heere, ick sal den Heere louen in mijn leuen, ic sal den Heere lofsinghen soe lange als ick wesen sal.

En wilt v niet betrouwen op die princen, 2 in die kinderen der menschen daer gheen salicheyt in en is.

3 Sijnen gheest sal wtgaen ende sal wederkeeren in sijn lant, in dien dach sullen alle hen ghedachten vergaen.

4 Salich is hy wiens helper is die Godt van Iacob, wiens hope is inden Heere sijnen Godt 5 die ghemaect heeft hemel ende eerde die zee ende alle dat daer in es.

6 Die de waerheyt bewaert inder eewicheyt, die den ghenen die onrecht lijden recht doet, die den hongherighen spijse gheeft.

Die Heere ontbindt die gheueterde, 7 die Heere verlicht die blinde.

Die Heere richt op die neder ghestooten sijn, die Heere bemint die rechtuerdighe.

8 Die Heere bewaert die vreemdelinghen, die weese ende weduwe sal hy ontfanghen, ende die weghen der sondaren sal hy vernielen.

9 Die Heere sal regneren inder eewicheyt v Godt Sion, van gheslachte tot gheslachte.