Psa 42 | NldLeuv1548 | STEP | ORdeelt my Heere ende ondersceedt my sake van dat onheylich volck, vanden boosen ende bedrieghelijcken mensche verlost my.

‏ Psalms 42

Den .xlij. Psalm.

1 ORdeelt my Heere ende ondersceedt my sake van dat onheylich volck, vanden boosen ende bedrieghelijcken mensche verlost my.

2 Want ghy sijt Godt mijn stercheyt, waerom hebdi my verstooten, ende waer om gae ick al droeuich als my die viant quelt?

3 Seyndt wt v licht ende v waerheyt, dese hebben my gheleydt, ende ghebracht tot op uwen heyleghen berch, ende in v tabernakelen.

4 Ende ic sal ingaen tot Gods outaer, ende tot Godt die mijn ioncheyt blijde maect.

Ick sal v belijden metter herpen Godt mijn Godt, 5 waerom sijdi droeuich mijn ziele? ende waer om verstoordi my?

Hoept in Gode want ick sal hem noch belijden, die salicheijt mijns aensichts, ende mijn Godt.