‏ Psalms 46

Den .xlvi. Psalm.

Omnes gentes.

1ALle ghy volcken slaet die handen te samen, maect iolijt Gode met een stemme des verhueghens.

2 Want die Heere hooghe verhauen vreeselijck, een groot coninck ouer gheheel aertrijck.

3 Heeft die volcken ons onderdanich ghemaect, ende die Heydenen onder ons voeten.

4 Hy heeft ons vercoren tot sijn erffdeel, die schoonheyt van Iacob die hy bemint heeft.

5 Godt is opgheclommen met iolijt die Heere met een stemme der basoenen.

6 Singt loff onsen Gode, singt loff, singt loff onsen coninck, singt loff.

7 Want Godt is een coninck van gheheel aertrijck, singt loff wijselijck.

8 Godt sal regneren ouer die Heydenen, Godt sidt op sijnen heyleghen stoel.

9 Die Princen der volcken sijn vergadert, met Abrahams Godt, want die stercke Goden der aerden sijn crachtelijck verhauen.
Copyright information for NldLeuv1548