Psa 62 | NldLeuv1548 | STEP | GOdt mijn Godt, tot v wake ick van des morghens. Mijn ziele heeft ghedorsticht nae v, hoe menichfuldichlijck dorstet nae v mijn vleesch.

‏ Psalms 62

Den .lxij. Psalm.

Deus Deus meus.

1 GOdt mijn Godt, tot v wake ick van des morghens.

Mijn ziele heeft ghedorsticht nae v, hoe menichfuldichlijck dorstet nae v mijn vleesch.

2 Int woest landt ende ombewandelt, ende sonder water, alsoe heb ick v gheopenbaert gheweest, dat ick soude sien v cracht, ende v glorie.

3 Want beter is v bermherticheyt bouen veel leuens, mijn lippen sullen v louen.

4 Alsoo sal ick v ghebenedijden in mijn leuen, ende in uwen naeme sal ick mijn handen opheffen.

5 Als met vet des inghewants ende met smeer, laet mijn ziele veruult worden, ende met lippen des verhueghens sal mijnen mont louen.

6 Alsoo hebt ick ws ghedachtich gheweest op mijn bedde, in die morghe stonden sal ick dencken op v, 7 want ghy hebt mijn helper gheweest.

Ende in dat decsele van uwen vloghelen sal ick verhueghen, 8 mijn ziele heeft v aenghehanghen, v rechte hant heeft my ontfanghen.

9 Maer sy hebben te vergheefs mijn ziele ghesocht, sij sullen gaen int nederste der eerden, 10 sij sullen gheleuert worden in die handt des sweerts, der vossen deelen sullen sij wesen.

11 Maer die coninc sal hem verblijden in Gode, sij sullen geloeft worden alle die by hem sweeren, want den mont is ghestopt van allen den ghenen die boose dinghen spreken.