‏ Psalms 83

Den .lxxxiij. Psalm.

Quam dilecta tabernacula.

1HOe bemint sijn v tabernakelen Heere der heyrcrachten 2mijn ziele begheert, ende flaudt nae die voorhouen des Heeren.

Mijn herte ende mijn vleesch, hebben hen verhuecht inden leuenden Godt.

3 Want die mussche heeft voor haer seluen een huys gheuonden, ende die tortelduyue eenen nest daer sij haer ionghen legghen mach.

V outaren Heere der heyrcrachten, mijn coninck ende mijn Godt.

4 Salich sijn sij die in v huys woonen, in die eeuwe der eeuwicheyt sullen sij v louen.

5 Salich is die man wiens hulpe van v is, hy heeft opclimminghen in sijn herte ghescict 6int dal der tranen in die plaetse die hy ghesteldt heeft.

7 Want voorwaer die wetgheuer sal benedijdinghen gheuen, sij sullen gaen van duechde ter duechden, die Godt der Goden sal ghesien worden in Sion.

8 Heere Godt der heyrcrachten verhoort mijn ghebedt, vaet metten oooren Godt van Iacob.

9 Onse bescermer God, aensiet, ende siet int aensicht van uwen ghesalfden.

10 Want beter is eenen dach in uwe voorhouen, bouen duysenden.

Ick heb vercoren verworpen te sijne in mijns Godts huys, meer dan te woonen in die tabernakelen der sondaren.

11 Want bermherticheyt ende warachticheyt bemint Godt, gratie ende glorie sal die Heere gheuen.

12 Hy en sal vanden goeden niet beroouen die ghene die in onnooselheyt wandelen, Heere der heyrcrachten salich is die mensch die in v hoept.