1Ch 2 | OssIBT2022 | STEP | Израилӕн уыди дыууадӕс фырты: Рувим, Симеон, Левий, Иудӕ, Иссахар, Зевулон,

‏ 1 Chronicles 2

Иудӕйы хӕдзарвӕндаг

Израилы фырттӕ

1 Израилӕн уыди дыууадӕс фырты: Рувим, Симеон, Левий, Иудӕ, Иссахар, Зевулон, 2 Дан, Йосеф, Бениамин, Неффалим, Гад ӕмӕ Асир.

Иудӕйы байзӕддӕгтӕ

3 Иудӕйы фырттӕ: Ер, Онан ӕмӕ Шела. Сӕ ныййарӕг мад — ханаанаг Бат-Шуа.

Ер, Иудӕйы хистӕр зӕнӕг, Дунедарӕджы цӕсты йӕхи бафтыдта, ӕмӕ йӕ Дунедарӕг амардта. 4 Иудӕйӕн йӕ чындз Тамарӕй райгуырдысты Парец ӕмӕ Зарах. Афтӕмӕй йӕ фырттӕ баисты фондз.

5 Парецы фырттӕ: Есром ӕмӕ Хамул.

6 Зарахӕн уыди фондз фырты: Зимри, Етан, Хеман, Калкол, Дара. 7 Зимрийы фырт — Карми. Кармийы фырт — Ахар, Дунедарӕгӕн цы снывонд чындӕуыд, уыдонмӕ фӕныхилгӕйӕ, Израилы адӕмы бӕллӕхы чи баппӕрста, уый. 8 Етаны фырт — Азариа.

9 Есромы фырттӕ: Йерахмеел, Рам ӕмӕ Келувай.

Давиды фыдӕлтӕ

10 Рамӕй райгуырд Аминадав, Аминадавӕй — Нахшон, иудейӕгты фӕтӕг, 11 Нахшонӕй райгуырди Салмон, Салмонӕй — Боаз, 12 Боазӕй — Овед, Оведӕй — Йессей.

13 Йессейӕн йӕ хистӕр фырт — Елиав, уый кӕстӕр — Авинадав, ӕртыккаг — Шима, 14 цыппӕрӕм — Нетанел, фӕндзӕм — Раддай, 15 ӕхсӕзӕм — Оцем, ӕвдӕм — Давид. 16 Уыди сын дыууӕ хойы: Церуа ӕмӕ Авигеа.

Церуайӕн уыд ӕртӕ фырты: Авишай, Йоав ӕмӕ Асаел. 17 Авигеайӕ райгуырд Амаса. Амасайы фыд Йетер уыд Измаелы байзӕддаг.

Калевы байзӕддӕгтӕ

18 Есромы фырт Калевӕн йӕ ус Азувӕйӕ райгуырди чызг Йериот.

Йериоты фырттӕ: Йешер, Шовав ӕмӕ Ардон. 19 Азувӕйы амӕлӕты фӕстӕ Калев ӕрхаста Евфратӕйы, ӕмӕ йын уый ныййардта Хуры. 20 Хурӕй райгуырд Ури; Урийӕ райгуырди Бецалел.

21 Есромыл ӕртиссӕдз азы куы рацыд, уӕд ӕрхаста Махиры чызджы, ӕмӕ йын уымӕй райгуырди Сегув. Махир уыди Галаады фыд. 22 Сегувӕй райгуырди Иаир. Иаирӕн Галаады зӕххыл уыд ӕртӕ ӕмӕ ссӕдз сахары. 23 Фӕлӕ фӕстӕдӕр гешурӕгтӕ ӕмӕ арамейӕгтӕ байстой Хаввот-Иаиры хъӕутӕ ӕмӕ Кенат йӕ алыварс хъӕутимӕ — ӕдӕппӕтӕй ӕртиссӕдз. Уыдон се’ппӕт дӕр уыдысты Галаады фыд Махиры байзӕддӕгтӕ.

24 Есромы амӕлӕты фӕстӕ йӕ фырт Калев ӕмуат ӕрцыди йӕ фыды ус Ефрафӕимӕ, ӕмӕ йын уый ныййардта Ашхуры. Ашхур уыди Текоайы фыд.

Йерахмеелы байзӕддӕгтӕ

25 Есромы фыццаг зӕнӕг Йерахмеелы фырттӕ: йӕ хистӕр зӕнӕг — Рам, уый дӕле — Буна, Орен, Оцем, Ахийа. 26 Йерахмеелӕн йӕ дыккаг ус Атарайӕ райгуырди Онам.

27 Йерахмеелы зӕнӕджы хистӕр Рамы фырттӕ: Маац, Йамин, Екер.

28 Онамы фырттӕ: Шаммай ӕмӕ Йада. Шаммайы фырттӕ: Надав ӕмӕ Авишур. 29 Авишурӕн йӕ ус Авихаил ныййардта Ахбан ӕмӕ Молиды. 30 Надавы фырттӕ: Селед ӕмӕ Аппаим. Селед амарди, фырттӕ йын нӕ рантысти, афтӕмӕй. 31 Аппаимы фырт — Иши. Ишийы фырт — Шешан. Шешан уыди Ахлайы фыд. 32 Шаммайы ӕфсымӕр Йадайы фырттӕ: Иетер ӕмӕ Йонатан. Иетер амарди, фырттӕ йын нӕ сӕнтыст, афтӕмӕй. 33 Йонатаны фырттӕ: Пелет ӕмӕ Заза.

Адон се’ппӕт дӕр сты Йерахмеелы байзӕддӕгтӕ.

34 Шешанӕн фырттӕ нӕ рацыд, ӕрмӕстдӕр — чызджытӕ. Уыди йӕм цагъар, мысыраг, йӕ ном — Йарха. 35 Шешан Йархайӕн радта йӕ чызджы, ӕмӕ йын уый ныййардта Аттайы. 36 Аттайӕ райгуырди Натан; Натанӕй райгуырди Завад; 37 Завадӕй райгуырд Ефлал; Ефлалӕй райгуырди Овед; 38 Оведӕй райгуырд Йегу; Йегуйӕ райгуырд Азариа; 39 Азариайӕ райгуырди Хелец; Хелецӕй райгуырд Еласа; 40 Еласайӕ райгуырди Сисмай; Сисмайӕ райгуырди Шаллум; 41 Шаллумӕй райгуырд Йеками; Йекамийӕ райгуырд Елишама.

Калевы байзӕддӕгты иннӕ номхыгъд

42 Йерахмеелы ӕфсымӕр Калевы фырттӕ: йӕ хистӕр зӕнӕг — Меша, Зифы фыд, Мешайы кӕстӕр — Мареша, Хевроны фыд. 43 Хевроны фырттӕ: Корах, Таппуах, Рекем, Шемӕ. 44 Шемӕйӕ райгуырди Рахам, Иоркеамы фыд. Рекемӕй райгуырди Шаммай. 45 Шаммайы фырт — Маон. Маон уыди Бет-Цуры фыд.

46 Калевы номылус Ефа ныййардта Хараны, Моцайы ӕмӕ Газезы. Харанӕй райгуырди Йахдай. 47 Йахдайы фырттӕ: Регем, Йотам, Гешан, Пелет, Ефа, Шааф.

48 Калевы номылус Мааха ныййардта Шевер ӕмӕ Тирханайы. 49 Ноджы ма йын райгуырдысты Мадманнайы фыд Шааф, ӕмӕ Махбена ӕмӕ Гевӕйы фыд Шева. Калевӕн уыди чызг дӕр, йӕ ном — Ахса.

50 Адон се’ппӕт дӕр сты Калевы байзӕддӕгтӕ.

Евфратӕйы фыццаг зӕнӕг Хуры фырттӕ: Кирйат-Иаримы бындурӕвӕрӕг Шовал, 51 Вифлеемы бындурӕвӕрӕг Салма, Бет-Гадеры бындурӕвӕрӕг Хареф.

Шовалы байзӕддӕгтӕ

52 Мӕнӕ Кирйат-Иаримы фыд Шовалы байзӕддӕгтӕ: Харое, Хаци, Менухот; 53 Кирйат-Иаримы мыггӕгтӕ: итриӕгтӕ, путӕгтӕ, шумайӕгтӕ ӕмӕ мишрайӕгтӕ. Адонӕй равзӕрдысты цорайӕгтӕ ӕмӕ ештаолӕгтӕ.

54 Салмайы байзӕддӕгтӕ: вифлеемӕгтӕ, нетофӕгтӕ, атрот-бет-йоавӕгтӕ ӕмӕ Манахтийы цӕрджыты иннӕ ӕмбис, Цорайӕ чи рацыд, уыдон. 55 Ноджы ма Иавецы цӕрӕг софериӕгты мыггӕгтӕ: тирайӕгтӕ, шимайӕгтӕ, сухайӕгтӕ. Адон се’ппӕт дӕр рехавонты фыдӕл Хамматы артӕй рацӕуӕг кенӕгтӕ сты.