Isa 12 | OssIBT2022 | STEP | Уыцы бон ды зӕгъдзынӕ: «Стауын дӕ, Дунедарӕг! Мӕсты мӕм уыдтӕ, фӕлӕ ныр ссыди Дӕ маст, басабыр мӕ кодтай.

‏ Isaiah 12

Арфӕйы зарӕг

1 Уыцы бон ды зӕгъдзынӕ:
«Стауын дӕ, Дунедарӕг!
Мӕсты мӕм уыдтӕ,
фӕлӕ ныр ссыди Дӕ маст,
басабыр мӕ кодтай.
2 Хуыцау мӕнӕн — мӕ ирвӕзынгӕнӕг,
мӕ уды ныфс — нӕ зонын Йемӕ тас.
Мӕ хъомыс — Уый,
мӕ зарӕджы сӕр — Дунедарӕг!
Уый сси мӕ ирвӕзынгӕнӕг!»
3 Ирвӕзындзинады суадӕттӕй
цингӕнгӕ исдзыстут дон.
4 Уыцы бон зӕгъдзыстут сымах:
«Кад кӕнут Дунедарӕгӕн,
арут Ын Йӕ ном!
Йӕ хъуыддӕгтӕ Йын хъусын кӕнут адӕмтӕн,
Йе стыр ном Ын стаут.
5 Хуыцауы кадӕн зарут —
Уый стыр хъуыддӕгтӕ сарӕзта,
уадз айхъуса ӕгас зӕххыл сӕ кой.
6 Сионы цӕрджытӕ,
цин кӕнут ӕмӕ цинӕй райут,
уымӕн ӕмӕ тынг стыр у уе’хсӕн
Израилы Уаз Хуыцау!»