Isa 42:1-4 | OssIBT2022 | STEP | Дунедарӕг загъта: «Мӕнӕ Мӕ Лӕггадгӕнӕг — Йемӕ дӕн Ӕз, Ме’взӕрст, Мӕ ахсджиаг. Мӕ Удӕй Йӕ схайджын кӕндзынӕн, ӕмӕ адӕмтӕн фехъусын кӕндзӕни Мӕ раст тӕрхон.

‏ Isaiah 42:1-4

Хуыцауы цагъар — адӕмтӕн рухсхӕссӕг

1 Дунедарӕг загъта:
«Мӕнӕ Мӕ Лӕггадгӕнӕг — Йемӕ дӕн Ӕз,
Ме’взӕрст, Мӕ ахсджиаг.
Мӕ Удӕй Йӕ схайджын кӕндзынӕн,
ӕмӕ адӕмтӕн фехъусын кӕндзӕни
Мӕ раст тӕрхон.
2 Быцӕу ӕмӕ хъӕр нӕ кӕндзӕн,
уынгты Йын Йӕ хъӕлӕс нӕ фехъусдзысты.
3 Хъӕзы фаст зӕнг не’рбасӕтдзӕн
ӕмӕ ахуыссынӕввонг цырагъ
нӕ бамынӕг кӕндзӕн.
Ӕцӕг, Уый раст тӕрхон рахӕсдзӕн.
4 Не сӕдых уыдзӕни, нӕ бастайдзӕни,
цалынмӕ зӕххыл раст тӕрхон ӕрфидар кӕна, уӕдмӕ.
Йӕ амындтытӕм Ын ӕнхъӕлмӕ кӕсдзысты
денджызгӕрон зӕххытӕ».