Job 17 | OssIBT2022 | STEP | Мӕ уд хъизӕмар кӕны, мӕ царды бонтӕ фӕфӕуынц, ингӕн мӕ цӕстытыл уайы.

‏ Job 17

1 Мӕ уд хъизӕмар кӕны,
мӕ царды бонтӕ фӕфӕуынц,
ингӕн мӕ цӕстытыл уайы.
2 Мӕ сӕр адӕмӕн хъазинаг фӕци,
хынджылӕгӕн та зын у фӕразын.
3 Дӕхӕдӕг рахӕц мӕ сӕрыл,
науӕд ӕндӕр чи бацӕудзӕн мӕ бӕрны?
4 Ды сын нытталынг кодтай сӕ зонд
ӕмӕ сӕ бӕрзонд бынаты нӕ сӕвӕрдзынӕ.
5 Йӕ хӕлӕртты кӕйдӕр амӕттаг чи бакӕна —
йӕ хъӕбултӕн сӕ цӕстыты рухс ахуысдзӕн.
6 Хуыцау мӕ адӕмы дзыхы бафтыдта,
ӕмӕ мын мӕ цӕсгомыл тутӕ кӕнынц.
7 Саугуырм бадӕн мастӕй,
царм ӕмӕ стджытӕ ма мӕ баззади.
8 Уымӕ кӕсгӕйӕ, раст адӕймаг ныккӕрзы,
ӕнаххостӕ мӕсты кӕнынц ӕнӕхуыцӕуттӕм.
9 Раст лӕг йӕ фӕндагыл фидар хӕцы,
йӕ къухтӕ сыгъдӕг кӕмӕн сты,
уымӕн йӕ тыхыл фылдӕрӕй-фылдӕр ӕфтдзӕн.
10 Сымах та ма иу хатт бафӕлварут,
рацӕут ардӕм ӕмӕ мӕ ныхмӕ сдзурут —
ӕз уе’хсӕн иу куырыхоны дӕр не ссардзынӕн.
11 Аивгъуыдтой мӕ царды бонтӕ.
Мӕ бӕллицтӕй — мӕ зӕрдӕйы фӕндиӕгтӕй —
фыдӕнхъӕл фӕдӕн.
12 Уыдон та ӕхсӕв бон хонынц,
тагъд, дам, срухс уыдзӕн,
фӕлӕ мӕ алыварс — тар.
13 Хи уӕзӕгау мысын мӕрдтыбӕстӕ,
уат кӕнын талынджы мӕхицӕн.
14 Марды чырын хонын мӕ фыд,
уаллоны — мӕ мад, мӕ хо.
15 Цӕуыл ма дарон мӕ зӕрдӕ?
Чи мын фендзӕн мӕ ныфс?
16 Мемӕ мӕрдтыбӕстӕм ныххиздзӕни уый,
сыджыты’рхуысдзӕни мемӕ».