Psa 13 | OssIBT2022 | STEP | Зарӕггӕнджыты къорды разамонӕгӕн. Давиды псалом. Ӕнӕзонд йӕ мидзӕрдӕйы загъта: «Хуыцау нӕй!» Фехӕлдысты адӕм, ӕлгъаг митӕ кӕнынц, хорз хъуыддаг аразӕг нал ис.

‏ Psalms 13

1 Зарӕггӕнджыты къорды разамонӕгӕн. Давиды псалом.

Ӕнӕзонд йӕ мидзӕрдӕйы загъта:
«Хуыцау нӕй!»
Фехӕлдысты адӕм,
ӕлгъаг митӕ кӕнынц,
хорз хъуыддаг аразӕг нал ис.
2 Дунедарӕг уӕларвӕй фӕлгӕсы адӕммӕ,
кӕсы: цымӕ се’хсӕн, Хуыцауы чи агуры,
иу ахӕм ӕмбаргӕ адӕймаг ис?
3 Се’ппӕт дӕр адзӕгъӕл сты,
се’ппӕт дӕр фехӕлдысты,
хорздзинад ничи кӕны, иунӕг адӕймаг дӕр.
4 Ау, не’рӕмбардзысты фыдгӕнджытӕ,
мӕ адӕмы мын дзулы хӕрд чи кӕны
ӕмӕ Дунедарӕджы чи нӕ агуры, уыдон?
5 Фыр тӕссӕй риздзысты,
уымӕн ӕмӕ Хуыцау рӕстгӕнджытимӕ ис.
6 Сымах худтыстут мӕгуырыл,
фӕлӕ йӕ Дунедарӕг хъахъхъӕны.
7 Тӕхуды ӕмӕ Израилӕн
ирвӕзындзинад лӕвӕрд куы’рцӕуид Сионӕй!
Дунедарӕг Йӕ адӕмы уацарӕй куы раздаха,
уӕд ныццин кӕндзӕни Йаков,
уӕд Израил фыр цинӕй райдзӕн!