Psalms 136
1Вавилоны цӕугӕдӕтты был-иу бадтыстӕмӕмӕ нӕ цӕссыг калдтам, Сион мысгӕйӕ.
2Уым донхӕристыл нӕ хъисфӕндыртӕ ӕрцауыгътам.
3Уацары нӕ чи акодта,
уыдон махӕй зарджытӕ домдтой,
чи нӕ’фхӕрдта, уыдон махӕй
хъӕлдзӕгдзинад агуырдтой:
«Сионы зарджытӕй нын исты азарут!»
4Фӕлӕ Дунедарӕджы зарӕг
мах куыд ныззарӕм кӕйдӕр зӕххыл?
5О Йерусалим, ӕз дӕу куы ферох кӕнон,
уӕд мӕ рахиз цонг мацыуалхъом суӕд!
6Ӕз дӕу куы ферох кӕнон, Йерусалим,
ме стырдӕр цин ды куынӕ уай,
уӕд ме’взаг мӕ комарынгыл баныхӕсӕд!
7О Дунедарӕг!
Сӕ зӕрдыл ӕрлӕууын кӕн едомӕгтӕн,
Йерусалимы сӕфты бон куыд хъӕр кодтой,
фехалут ӕй, фехалут ӕй,
зӕххы ӕмвӕз ӕй скӕнут, зӕгъгӕ.
8О Вавилоны чызг, заууатмӕ кӕнӕг!
Тӕхудиаг уыдзӕн, ды махӕн цы бакодтай,
уый дын дӕхицӕн чи бакӕна!
9Тӕхудиаг уыдзӕн, дӕ хъӕбулты дын чи сиса
ӕмӕ сӕ дуртыл чи ныппырх кӕна, уый!
Copyright information for
OssIBT2022