Psalms 121
1Уӕлвонг Кувӕндонмӕ цӕуджыты зарӕг. Сарӕзта йӕ Давид.Дунедарӕджы хӕдзармӕ цомут, зӕгъгӕ,куы фехъуыстон,
уӕд ныццин кодтон.
2Мӕнӕ бавӕрдтам нӕ къах
дӕ кулдуарӕй, Йерусалим!
3Йерусалим — адӕмы иумӕ
ӕмбырдгӕнӕг сахар,
4Израилы хӕдзарвӕндӕгтӕ
Израилы ӕгъдаумӕ гӕсгӕ
Дунедарӕджы ном стауынмӕ
кӕдӕм ссӕуынц.
5Уым — тӕрхоны бадӕнтӕ,
Давиды хӕдзары паддзахы бадӕнтӕ.
6Кувут Йерусалимы фарнӕн:
«Чи дӕ уарзы, уыдон ӕвыдӕй цӕрӕнт!
7Фарн уӕд дӕ систы ӕхсӕн,
ӕнӕфыдбылыз уӕнт дӕ галуантӕ!»
8Ме’фсымӕрты, мӕ хиуӕтты сӕрвӕлтау дын зӕгъын:
«Фарн дӕм уӕд!»
9Дунедарӕджы, нӕ Хуыцауы, хӕдзары
сӕраппонд дын зӕгъын:
«Хорзӕй цӕр!»
Copyright information for
OssIBT2022