Psalms 145
1Алелуйа!Ӕппӕл, мӕ уд, Дунедарӕгӕй!
2Цалынмӕ цӕрон, уӕдмӕ
Дунедарӕджы стаудзынӕн;
цалынмӕ удӕгас дӕн, уӕдмӕ
мӕ Хуыцауы кадӕн зардзынӕн.
3Уӕ зӕрдӕ ма дарут нӕдӕр хицӕуттыл,
нӕдӕр адӕймагыл —
уый уын ирвӕзындзинад не’рхӕсдзӕн.
4Уый йӕ уд сисы
ӕмӕ сыджытыл бафты,
уыцы бон йемӕ ӕрбайсӕфынц
йе’ппӕт фӕндтӕ.
5Тӕхудиаг у, Йаковы Хуыцау
кӕмӕн ӕххуыс кӕны,
Дунедарӕгыл, йӕ Хуыцауыл,
йӕ зӕрдӕ чи дары.
6Арв, зӕхх, денджыз ӕмӕ
сӕ цыдӕриддӕр ис,
уыдон Уый сфӕлдыста.
Уый ӕнустӕм иузӕрдион у.
7Уый рахӕцы ӕфхӕрды сӕрыл,
ӕххормагӕн дзул ратты,
суӕгъд кӕны ахӕсты.
8Дунедарӕг куырмытӕн ратты цӕстырухс,
Дунедарӕг ӕфхӕрд адӕмы
слӕууын кӕны сӕ къӕхтыл,
Дунедарӕг уарзы рӕстудты.
9Дунедарӕг ауды ӕрцӕуӕггагыл,
Йӕ арм дары сидзӕр ӕмӕ идӕдзыл,
ӕнӕхуыцауӕн та йӕ фӕндӕгтӕ ныссуйтӕ кӕны
10О Сион! Дунедарӕг, дӕ Хуыцау
паддзахиуӕг кӕндзӕни мыггагӕй мыггагмӕ,
фӕлтӕрӕй фӕлтӕрмӕ.
Алелуйа!
Copyright information for
OssIBT2022