Psalms 23
1Давиды псалом.Зӕхх ӕмӕ йыл цыдӕриддӕр ис, уыдон,дун-дуне ӕнӕхъӕнӕй
ӕмӕ йе’ппӕт цӕрджытӕ
Дунедарӕджы исбон сты.
2Денджызты сӕрмӕ ӕрӕвӕрдта зӕхх,
дӕтты сӕрмӕ йӕ’рфидар кодта.
3Дунедарӕджы хохмӕ чи ссӕудзӕн,
чи ӕрлӕудзӕн Йӕ уаз цӕрӕны?
4Йӕ къухтӕ ӕнаххос,
йӕ зӕрдӕ сыгъдӕг кӕмӕн у,
мӕнг хуыцӕуттыл йӕ зӕрдӕ чи нӕ дардта
ӕмӕ мӕнг ард чи нӕ хордта.
5Ахӕм адӕймаг райсдзӕни Дунедарӕджы,
йӕ Ирвӕзынгӕнӕджы, арфӕ ӕмӕ хорзӕх.
6Йаковы Хуыцау!
Ахӕм у, Дӕу чи агуры
ӕмӕ Дӕ разы ӕрлӕууын кӕй фӕнды
уыцы адӕмы хъысмӕт.
7Байгом у, кулдуар,
байгом ут, ӕнусон дуӕрттӕ,
уадз ӕмӕ кадджын Паддзах бацӕуа!
8Ацы кадджын Паддзах чи у?
Уый Дунедарӕг у,
фидар ӕмӕ тыхджын,
тохы та — хъомысджын.
9Байгом у, кулдуар,
байгом ут, ӕнусон дуӕрттӕ,
уадз ӕмӕ кадджын Паддзах бацӕуа!
10Ацы кадджын Паддзах чи у?
Уый у Уӕларвӕфсады Бардарӕг,
Уый у кадджын Паддзах.
Copyright information for
OssIBT2022