Psalms 69
1Зарӕггӕнджыты къорды разамонӕгӕн. Давиды псалом. Зӕрдыл дарынӕн. 2О Хуыцау, фервӕзын мӕ кӕн!О Дунедарӕг, фӕтагъд мӕм кӕн ӕххуысмӕ!
3Мӕ мӕлӕтмӕ чи бӕллы,
уыдон фӕхудинаг уӕнт, фидиссаг фӕуӕнт!
Ме сӕфтмӕ чи бӕллы,
уыдон ӕгадӕй аздӕхӕнт фӕстӕмӕ.
4Чи мыл феради, афтӕ йын хъӕуы, зӕгъгӕ,
уыдон ӕгадӕй сӕхи фӕстӕмӕ айсӕнт.
5Дӕумӕ чи тырны,
уыдон та цинӕй райӕнт,
цин кӕнӕнт Дӕуыл!
Дӕу чи агуры, уыдон иудадзыг дзурӕнт:
«Стыр у Хуыцау!»
6Мӕгуыр ӕмӕ гӕвзыкк дӕн ӕз,
о Хуыцау, фӕтагъд мӕм кӕн ӕххуысмӕ!
Ды — ме’ххуысгӕнӕг, мӕ Ирвӕзынгӕнӕг;
Дунедарӕг, фӕстиат ма фӕкӕн!
Copyright information for
OssIBT2022