Psalms 98
1Дунедарӕг у Паддзах,ӕмризӕджы ризӕнт адӕмтӕ!
Уый ӕнцайы херувимтыл;
уадз ӕмӕ ӕнкъуыса зӕхх!
2Стыр у Сионы Хуыцау,
бӕрзонд у Йӕ кад ӕппӕт адӕмтӕм.
3Стауӕнт уыдон Де стыр ӕмӕ тасӕфтауӕг ном:
сыгъдӕг у уый!
4Хъомысджын Паддзах
раст тӕрхон уарзы.
Ды сфидар кодтай рӕстдзинад,
Йаковӕн равдыстай
раст ӕмӕ ӕнӕхӕрам тӕрхон.
5Стаут Дунедарӕджы, нӕ Хуыцауы,
бакувут Йӕ ӕрлӕууӕн бынатӕн:
сыгъдӕг у Уый!
6Моисей ӕмӕ Аарон
Йӕ сауджынты’хсӕн уыдысты,
Самуел та — Йӕ ном Ын чи ары,
уыдоны’хсӕн.
Уыдон Дунедарӕгмӕ дзынӕзтой,
ӕмӕ сын Уый дзуапп лӕвӕрдта.
7Ӕврагъцӕджындзӕй дзырдта семӕ,
Ӕгъдау сын радта,
ӕмӕ уыдон ӕххӕст кодтой Йӕ фӕдзӕхстытӕ,
Йӕ уагӕвӕрдтӕ.
8Дунедарӕг, нӕ Хуыцау!
Ды сын дзуапп лӕвӕрдтай
ӕмӕ сын уыдтӕ бараг Хуыцау,
фӕлӕ сӕ ӕфхӕрдтай
сӕ рӕдыдты тыххӕй.
9Стаут Дунедарӕджы, нӕ Хуыцауы,
кад Ын кӕнут Йӕ сыгъдӕг хохыл,
уымӕн ӕмӕ сыгъдӕг у Дунедарӕг, нӕ Хуыцау!
Copyright information for
OssIBT2022