Luk 19 | PljSC | STEP | Yesu te gip Yeriko, tǝ den shigetǝn gip bǝni.

‏ Luke 19

Zakka mǝn nǝmi wurpi bom kan nǝm kopi Yesu gwa

1 Yesu te gip Yeriko, tǝ den shigetǝn gip bǝni. 2 Mbarǝm gon ra nan ba wul ti’e Zakka gwa, bari kǝ mǝn nǝmi wurpi bom ni mǝn bar kǝ ame. ^{▼▼Mǝn nǝmi wurpi bomi: Mǝn Yahuda ba nge wur nari den wu pi mǝn Roma mbapi, eso wu nǝm wurpi den wur narka.} 3 Tǝ ndu’e tǝ shin woni’e Yesu, ama tǝ mani da’a nan mbarǝm womtika lasi gwa, kan tǝ tlyar da’a. 4 Ra’untuwo, tǝ nda cina na kǝtǝre tǝ to den bar kin dlǝngari goni bi tǝp tu Yesu den kopi gwa kǝ tǝ shin ti.

5 Nan Yesu ɗir lasiwo, tǝ tli ger yam tǝ wule, «Zakka, zho’i kǝ ɗǝl suri, sekǝno an nǝmǝn te yarka a dǝm bom da’i.» 6 Zakka zhoti tǝ ɗǝl suri, tǝ nǝm Yesu bom da ti na ghol mbatli.

7 Na shini untuwo, ar ni mbarǝmi kup ngwar wu wule, «Tǝ ri kǝ dǝmi mǝn diki bom dǝ mǝn warwat pitǝne.»

8 Ar ni Zakka tlyam tǝ wul Babom’e, «Shini Babomi, a bi tatli kǝ argon tu ami nari gwa, dǝ munju kan am ri wur kar da gwa. In a cuce murgon ngap, a pali ti gucipi wupse.» 9 Yesu wul ti’e, «Sekǝno ceto ɗir gip bom kǝn wi, tunkan mbarǝm tu ma nya Ibǝrahim ni gwa. 10 Ami Nya Mbarǝm surni kǝ ngeni kan a ɗǝli munju jilka wule Zakka gwa.»

Shirǝm den zher kutl kan bi wur wurpi gwa

11 Nan wu den kumi bar ju tǝ yari wuro, kan tǝ yari wur shirǝmi, domici tǝ mbi kosak na tetǝn Urushalima wi, kan mbarǝm ngapo wu neka den mulki kǝ Yam ba cwat ituwi bǝle-bǝle. 12 Tǝ wule, «Bar mbarǝm gon ri gip dlyami bǝn gon kǝ dǝ bi ti gun kan tǝ pal ɗir lasi. 13 Bitu ti ndarawo, tǝ labi zher gǝs wi kutl tǝ bi wur wurpi bali na nari, tǝ wul wur’e,

14 Ama kan mbarǝm kǝ bǝn gǝs ba nge ti, wu kar jen rǝnka wu wule, 15 Kup na untu, wu bi ti gunyi, tǝ pal ɗir bomi. Kan tǝ kar bar dǝ domi ti zher gǝs kutl ju kan tǝ bi wur wurpi gwa, tǝ mom tu kǝ bar ju wu zam den wurpiyi gwa. 16 Kǝ nǝm ter tǝ wule, 17 Arni Babomi wul ti’e,

18 Zher kǝ ropi ter tǝ wule, 19 Babomi wul muntu’e,

20 Ama zher gon ɗir esi tǝ wule, 21 Amo a kum bǝrti gi, ki mbarǝm gon ni mǝn bantǝni. Mǝn ndu’i ci nguɓuk ni, kǝ rǝsh kǝn tu kin kǝ ngani da gwa.>

22 Arni tǝ wul ti’e, 23 Unun kem kǝ nem wurpi gǝnka gip bom ne wurpi da’a, in a pal ɗiro a zam mal dene ra gwa?> 24 Tǝ wul munju ɗir markǝm da ti’e, 25 Arni wu nǝmi ti wu wule, 26 Tǝ wul wur’e, 27 Ama mǝn nge gǝn ju nan ba ndu’e a dǝm gun gǝzǝn dawo, ɗir wurni ɗe dǝ ri wur eka cina dami.> »

Yesu te Urushalima

28 Nan Yesu yari shirǝm juwo, arni tǝ nda cina tǝ ne gam Urushalima. 29 Nan tǝ ɗir kar mir bǝn jen nan ba wul wur’e Betfaji na Betanya nan markǝm tlǝndǝr kǝ Zaitunwo, tǝ kar mir mǝn kopi gǝsi wi rop, 30 tǝ wul wur’e, «Teni gip nye bǝn kǝ cina tu, in kǝ mbu baro, ki zam nye bar kǝm gon na ɓali nan taɓe totǝn den tiwi da gwa. Pǝtl tǝni kǝ ɗir tǝni ɗe. 31 In murgon wul kǝn’e, wul ti ni’e, »

32 Munju nan kar wuro wu ri zam kanda tu tǝ yari wur gwa. 33 Wu den pǝtli nye bar kǝmi ituwi, arni mǝn bar kǝmi wul wur’e, «Unun kem kǝ pǝtl tiwu?»

34 Wu wule, «Babom ni ba ndu’i.» 35 Wu ɗir ti kar Yesu, nan wu wi lulur gǝzǝn den tiwo kan wu pǝn Yesu wu ne ti dene. 36 Tǝ den ritǝno, arni mbarǝm la lulur gǝzǝn den tǝpe. ^{▼▼Wu wi lulur gǝzǝn den tǝpe: Muntuwo al’ada kǝ mǝn Yahudani, ar ba gode’e bi nartǝn mbarǝm utuwi.} 37 Nan tǝ ɗir dap na tǝp tu ɗǝl kar tlǝndǝr kǝ Zaitun, arni kup mǝn kopi gǝs nǝm ɗǝɗa Yam na bar yar na ghol mbatl, den kup bar mǝn dlǝkǝntǝn nan wu shin gwa. 38 Wu den wul tǝn’e,

«Mǝn albarkani’e gun tu den surtǝn gip sun kǝ Babom Yam gwa! Salama ra to yamka, nartǝn ngapo kǝ Yam ni.» 39 Arni mǝn Parisa jen gip womti mbarǝmi wul ti’e, «Ba mǝn kulci, matl mir mǝn kopi gi wu yoni!» 40 Tǝ nǝmi wur tǝ wule, «A yari ine, in munju yon gǝzǝno, tat ju na gam gǝzǝn ba tli na la’i yare.»

Yesu kuli Urushalima gami

41 Nan tǝ ɗir kosak tǝ shin bǝn Urushalimawo, arni tǝ kuli ti gami. 42 Tǝ wule, «Dǝ wule kǝ mom ni den pǝt kǝno argon tu ba ɗiri in dǝmi zhilǝlǝ ma, ama kǝkǝno ghundǝri in kawi. 43 Pǝt jen ba ɗiri in gami kan mǝn nge gin ba tu panye, wu gandǝl kǝne, wu tla kǝn wu pi dlan nan kǝn cina na kari. 44 Wi byal kǝn atli kǝn na mimir gin gip bǝni, kan wu ri in eka. Ba za tat gon den esi da’a, domici ba zam kǝn den kǝ nge la’i Yam mbatl den’e Yam sur kǝ ɗǝli gin gwa.

Yesu kulci mbarǝm gip Bom kǝ Yami

45 Arni tǝ te gip dǝbom Bom kǝ Yami, tǝ nǝm ɗǝli mǝn ju den wuri barka gwa. 46 Tǝ wul wur’e, «Ar ra na rǝshi,» ama kǝ pali ba dǝmi kǝ mur wi.» ^{▼▼Bom gǝn ba dǝm ba shirǝm na Yami: Lastuwo pǝn tini gip tǝlankur kǝ mǝn shirǝm na Yam Ishaya 56:7.} 47 Se na gǝni tǝ pi ta kulci te gip Bom kǝ Yamka, ama kiri mǝn keri bar ju ɗiri Yam, na mǝn kulci mbarǝm doka kǝ Musa, na kiri kǝ bǝni ngen tǝp tu wi ri ti eka gwa. 48 Ama wu zam tǝp nǝmi gǝs da’a, domici mbarǝm kup den ndu’i kumi shirǝm gǝs nari.