Luke 22
1Nan biki kǝ burodi nan ba wi ti yisti da’a, muntu ba wul ti’e biki jikat bǝdlabǝn mbirawo. ▼▼Biki kǝ burodi nan ba witi yisti gwa da’a: Bikini kan mǝn Yahuda ba pi, kan ba tune wur na ɗǝltǝn gǝzǝn ter Masar, bom bota. Ɗǝltǝni ne wurka na zhotǝne, wu zam pi burodi gǝzǝn kanda tu wu kur pi gwa da’a.
2Nan kiri mǝn keri bar ju ɗiri Yam, na mǝn momi shirǝm tu Yam bi Musa den ngeni tǝp tu kan wi ri Yesu eka gwa, ama bǝrti ba ci wur den mbarǝmi. 3Kan Shetan ba te gip Yahuda kan ba wul ti’e Iskaryoti gwa, nǝm gip kutl cet rop ju. 4Kan Yahuda ba ri kar kiri mǝn keri bar ju nan ɗiri Yam na kiri gip mǝn ne ger den Bom kǝ Yami, kan tǝ bali nan wur den kanda tu kan ti bali kar Yesu gwa. 5Ar gholi wur mbatli, kan bi ba nde wur nǝm den wi bi ti wurpi. 6Tǝ nǝmi wuri, kan tǝ pi ta ngeni guntǝp tu kan ti bi Yesu am dawur nan mbarǝm ba nǝra lasi na womti da gwa. Yesu ci fingal kǝ pa’i bisi na mir mǝn kartǝn gǝsi
7Nan pǝt burodi nan na yisti da’a ɗiro, pǝt tu kan ba mbosh bagala pashi bǝdlabǝn dene gwa, 8Yesu kar Bitǝrus na Yohana, tǝ wul wur’e, «Rǝnǝka kǝ pi mini bar kǝ jikat bǝdlabǝn mǝ cini.» 9Wu wul ti’e, «Akon kǝ ndu’e mǝ pi we?» 10Tǝ wul wur’e, «Kǝn ni kǝ te gip bǝno, mbarǝm gon ra na tat mal ba mo nan kǝne, kop tǝni kǝ rǝni bom tu tǝ te gipi gwa. 11Kan kǝ wulni ba mǝn bomi’e,▼Mulki kǝ Yam: Mulki kǝ Yamo ba’e barni kan ba shin na ger da gwa, ama ar ba zamni gastu mǝ pali Yesu dǝm gun gǝmi gwa.
17Kan tǝ pǝn wuro mal inabi, tǝ goode Yam tǝ wule, «Nǝm ni kǝ ghorti ni kup gini. 18A yari ine, A’i tla mal gǝri kin inabi da’a se mulki kǝ Yam ni sur kani.» 19Kan tǝ pǝn burodi, tǝ goode Yam, tǝ cettǝli, kan tǝ bi wuri, tǝ wule, «Dli gǝn kan bi sabo nan kǝn gwa utu, pini ta pi untu kǝ tuneni namǝni.» 20Untuni esi, kar dǝ fingal kǝ gaso, tǝ pǝn wuro mal inabi, tǝ wule, «Wuro mal kǝno pel alkawari kǝ bǝran gǝn ni, muntu shoti sabo nan kǝn gwa, 21ama mǝn den si am gip gal nǝm na muntu kan ba rin kǝ la’i gǝs yam gwa. 22Nya Mbarǝm ba mǝsh den argon tu Yam ne bi dene gwa, ama kashto kǝ mbarǝm tu kan la’i ti gǝs yam gwa!» 23Kan wu nǝm tambe ezǝn den’e, woni gip wur ba dǝm’e tin ti pi argon tuwu. 24Kan musu ba tli gip dlom gǝzǝn den’e woni ba dǝm bari gip wuri. 25Yesu wul wur’e, «Gun kǝ munju kan mom Yam da’a ma, wu gode mbarǝm gǝzǝn iko, kup na untuwo mǝn cina ja ba ne gam gǝzǝn mǝn pitǝn dlatni. 26Ama kǝno untun ki pi da’a. Kǝno, bari gip kǝno tǝ pali gam gǝs wule ti’e heli, kǝ cina gin ngapo wu pali gam gǝzǝn wule zhere. 27Ofawo woni’e bari, muntu kan na fingal cina da ti gwaya ko muntu bi fingali gwa? Muntu kan na fingal cina da ti gwani diya? Ama kup na ami’e bari gip kǝno, ami nǝra wule mǝn pi fingal gini. 28Kǝnni kǝ ndem kaari gip goji gǝni. 29A bi in iko kǝ pini mulki wule gunye, kanda tu kan Ba-Gun Yam bim gwa, 30don kǝ ci kǝ tlani den tebur gǝn gip mulki gǝni, kǝ dǝm den dandi kǝ sarauta kǝ pini sharia bom kutl cet rop kǝ Isra’ila. 31Siman, Siman, kumi, Shetan tambe’e dǝ za ti tǝ gode ine, tǝ bǝtke in wule alkama. 32Ama a shirǝm na Yam den am gin wi, Siman, ba dǝ la’i mbatl gi ɗatka da’a. Kin kǝ ci atl gam kǝ bali wani pitǝn gi kar gwa, ɓa’i bigul ya’ǝni.» 33Siman nǝmi ti tǝ wule, «Babomi, a pǝni mbatl gǝn a tǝ nan ki gip bom kǝ moni, ko a mǝsh nan ki.» 34Yesu wul ti’e, «A yari’i, Bitǝrus, kamin dǝ tus kor laa yar sekǝno, ki wule kǝ momǝn da’a bisi myakan.» 35Arni Yesu wul mir mǝn kartǝn gǝs’e, «Gas tu a kar kǝn am koni, kǝ pǝn posh wurpi, ko bar posh, ko kaptǝlan dawo unun kǝ holu?» Wu wule, «Ko nǝm.» 36Tǝ wul wur’e, «Ama kǝkǝno, kǝnni na bar posh na posh wurpiwo pǝnni, muntu na bar suɓur dawo, ya wur lulur gǝska tǝ wur nǝm. 37Ar ra na rǝshi gip shirǝm kǝ Yami, ▼Dlǝm ti gip mǝn wani pitǝne: Aya tuwo zamni gip tǝlankur kǝ mǝn shirǝm na Yam Ishaya 53:12.
Yesu shirǝm na Yam den tlǝndǝr zaitun
39Yesu ɗǝl tǝ to gǝs den tlǝndǝr kǝn zaitun kanda tu tǝ kur pi gwa, kan mir mǝn kopi gǝs ba kop ti. 40Na mbu’i bar lasiwo, ar ni tǝ wul wur’e, «Shirǝmni na Yam bǝse kǝ ndani gip godetǝne.» 41Tǝ isha tǝka kar wuri den bi dlyamtǝn kǝ la’i tate, tǝ ngus atl tǝ shirǝm na Yami. 42«Bǝba, arni pǝni’i mbatlo, pǝnim kumi dli kǝnka, kup na untuwo, dǝ kop pǝni kǝ mbatl gi ba’e gwan da’a.» 43Kan mǝn kartǝn kǝ Yam ba cwat sur yam tǝ ɓa’i ti bigule. 44Tǝ mbi gip dun mbatl na nari wi, ar ni tǝ meti shirǝm na Yam hoyi, kan bangani ba nǝm ɗǝltǝn den ti wule gudǝl bǝran ba ro atli. 45Nan tǝ shirǝm na Yam tǝ tlyam tǝ pal ɗir kar mir mǝn kopi gǝso, Yesu zam wur den nde umuri, nan dun mbatl nari wurka gwa. 46Tǝ tambe wur, tǝ wule, «Imni kǝ nde umurka wu? Tlini yam kǝ shirǝmni na Yam bǝse kǝ ndani gip godetǝne.»Mbarǝm ɗir kǝ nǝmi Yesu
47Yesu’i gip shirǝmo anni mbarǝm na womti ɗiri, kan mbarǝm tu ba wul ti’e Yahuda, nǝm gip kutl cet rop ju, tin tǝ nde wur cina. Tǝ te kar Yesu tǝ shirǝmi ti na sumba den shirmitǝn kǝ mǝn Yahuda. ▼▼Sumba: Sumbawo, shirmitǝn kǝ mǝn Yahudani, arni’e la’i lǝka den gǝskǝm kǝ ya’i gip zhan kǝ Yesu.
48Ama Yesu tambe ti, «Yahuda, ki bali kar Nya Mbarǝm na sumba ya?» 49Nan mǝn kopi kǝ Yesu shin argon tu kan ba ri kǝ pitǝno, ar ni wu wule, «Babomi, an mbi’e mǝ wotl na bar suɓur gǝmiwa?» 50Kan gon gip wur ba wotl zher kǝ bar mǝn keri bar ju kan ɗiri Yam gwa, tǝ pǝni ti kǝm kǝ shimli den gamka. 51Ama Yesu nǝmi wur tǝ wule, «Zani untu!» Yesu ne am den kǝm kǝ mǝri tǝ warke ti. 52Kan Yesu ba wul kiri mǝn keri bar ju ɗiri Yam gwa, na kiri mǝn ne ger den Bom kǝ Yam, na kiri kǝ bǝni, mǝn ju ɗir kǝ nǝmi gǝs gwa, «Kǝ ɗir na bar suɓur na dlo kǝ nǝmi gǝno ami mur mǝn dlǝri den guntǝp na? 53Muri jin ter kup ami ra nan kǝn gip bom kǝ Yami, kǝ nǝmǝn da’a. Ama kǝkǝn ni’e lokoci gini na iko kǝ dǝmǝni.» Bitǝrus wule tǝ mom Yesu da’a
54Wu nǝm Yesu, wu ndara nan ti wu te ti bom dǝ bar mǝn keri bar ju nan ɗiri Yam gwa. Biturus kop wur nye pǝrsi nye pǝrsiyi. 55Ama lokoci tu wu hor utu dlom dǝbom kushi shirǝmo kan wu dǝm atl kum gǝzǝni, Biturus dǝm atl nan wuri. 56Nye mǝn bom gon nye gǝr shin Biturus njon atl lasi gip cirtǝn kǝ utu. Tǝ shin ti zhetzhet tǝ wule, «Mbarǝm tu ma tǝ ra nan ti.» 57Ama tǝ nge, tǝ wule, «Nye gǝre, a mom ti da’a.» 58Ɓom dǝmika njemo, bakos gon ba pa shin ti kan tǝ wule, «Ki ma kin gip wuri.» Ama Bitǝrus wul ti’e, «Bakos mbarǝme, ami gip wur da’a.» 59Bar kǝ awa nǝm den kariwo, bakos gon ba dlǝr den yari’e, «Na ho bini tǝ ra nan ti, domici tǝ ma ba mǝn Galili ni.» 60Bitǝrus bali ti tǝ wule, «Bakos mbarǝme, a mom argon tu nan kǝ shirǝm dene da gwa!» Gip lasi tǝ gip shirǝm ituwi, ar ni tus kor laa yare. 61Kan Babom ba bal ti tǝ wi ger ndǝr te den Bitǝrus ka. Kan Bitǝrus ba dam shirǝm tu Babom yari ti den’e, «Kapǝn dǝ tus kor laa yar sekǝno, ki wule kǝ momǝn da’a bisi myakan.» 62Anni tǝ ɗǝl gǝs te karika kan tǝ kul na nari.Mbarǝm yari zhe’e shirǝm Yesu
63Mbarǝm ju kan den ne ger den Yesu ba nǝmi ti yari zhe’e shirǝm kan wu den ɓe gǝsi. 64Wu ɓali ti bagerka kan wu wul ti’e «Pi mi anapci, woni ɓo iwe?» 65Wu yari ti wani shirǝm jen’es na womti.Yesu cina dǝ mǝn bǝni
66Nan bartlowo, anni domtǝn kǝ kiri kǝ bǝn kǝ mǝn Yahuda, kiri mǝn keri bar ju nan ɗiri Yam gwa, kup na mǝn momi shirǝm tu nan Yam bi Musa gwa, wu dom wuri, kan ba ri Yesu cina da wuri. 67Wu wul ti’e, «Yari mi, ko ki ni’e Almasihu?» Yesu nǝmi wur tǝ wule, «Amin a yari in ma an ba nǝmi in mbatl da’a, 68amin a tambe in esi ki mani kǝ balin da’a. 69Ama kǝkǝn na cina ɗewo, Nya Mbarǝm ba dǝm atl den am shimli kǝ Yam mǝn iko.» 70Kan wu tambe gǝzǝn kup wu wule, «Ki nya Yam na?» Tǝ nǝmi wur tǝ wule, «Untun kǝ yari’e amini.» 71Ar ni wu wule, «Kǝ unun mǝ’i ngen sheda jen ra wu? Artu mǝ kum bi da ti wu gwa.»
Copyright information for
PljSC