Luk 4 | PljSC | STEP | Yesu pal sur ɓula Jodan laa’i na Ruhu kǝ Yami, arni Ruhu kop nan ti gip lǝpe,

‏ Luke 4

Shetan ndu kemi Yesu ndetǝne

1 Yesu pal sur ɓula Jodan laa’i na Ruhu kǝ Yami, arni Ruhu kop nan ti gip lǝpe, 2 lastu tǝ pi muri hauya rop tǝ ci argon da’a, nan wu pawo kan guzum ba ci ti. Arni Shetan, gun dun itǝr, ɗir kar ti kǝ dǝ tǝ kem ti ndetǝne.

3 Tǝ wul Yesu’e, «In ki nya Yam no, wul tat ju’e wu dǝm bǝredi?»

4 Arni Yesu nǝmi ti tǝ wul ti’e, «Ar ra na rǝshi gip shirǝm kǝ Yami,

5 Bartuwo, kan Shetan ba te ti den tlyari las goni, kan tǝ gode ti bǝn kǝ duniya kup wule njipkǝr gere. 6 Kan tǝ wul ti’e, «A bi’i mulki na kirtǝn gǝzǝnka gwanni, wu bin kawi. A mani bi kup muntu kano a adu’i ti bi gwa. 7 Kini kǝ ngus cina dam kǝ bim nartǝno, ar ba dǝm ge.»

8 Yesu wul ti’e, «Ar ra na rǝshi, ngus cina dǝ Ba-Gun Yam gi, ti ni nangǝs ki bi ti nartǝni»

9 Kano Shetan ba si ti gip bǝn Urushalima, kan tǝ kem ti tǝ dlǝr to den gam Bom kǝ Yam kan to den Yam nar gwa, tǝ wul ti’e, «In ki nya Yam no, ɓo tuma su atl ka. 10 Ar ra na rǝshi, 11 eso, wi nǝm ki gip am gǝzǝni, ki nda kǝ ɓo asǝm gika den tat da’a.»> 12 Ar ni Yesu nǝmi ti tǝ wul ti’e, «Shirǝm kǝ Yam wule,

13 Nan Shetan pa’i godetǝn gǝso, ar ni tǝ ndara tǝ za Yesu, kǝ dǝ tǝ ɓut zo pǝt goni.

Mbarǝm nge Yesu gip bǝn Nazarat

14 Yesu pal gip atl kǝ Galili, iko kǝ Ruhu kǝ Yam ra nan ti. Ar ni shirǝm den ti ri gip bǝni kup, 15 kano tǝ nǝm kulci mbarǝm gip bom kumi shirǝm kǝ Yam gǝzǝni, ar ni mbarǝm pita yari zo shirǝm den ti.

16 Kano Yesu ba ndara Nazarat, las tu kano tǝ nar gwa. Kan tǝ te gip bom kumi shirǝm kǝ Yam den pǝt shukutǝn kǝ mǝn Yahuda, kanda tu kan tǝ kur pi gwa. Arni tǝ tlyam dlor kǝ dǝ tǝ pi karatu. 17 Kano wu bi ti tǝlankur kǝ mǝn shirǝm na Yam Ishaya, tǝ ɓulo, ar ni tǝ zam las tu kan rǝsh’e,

18 «Ruhu kǝ Ba-Gun Yam ra na mǝni, tǝ zǝzarǝm kǝ dǝ a yar zo shirǝm kǝ Yam dǝ munju kano am ri wur kar da gwa. Tǝ karǝm kǝ dǝ a yar shirǝm kǝ ɗǝli munju kan ra na ɓali gwa, kano a ɓuli ger munju kano tabini gwa. Dǝ za munju kano jen pi wur hoyi da gwa. 19 Kǝ dǝ a yar gin kǝ guna ger kǝ Ba-Gun Yam mbira wi?»

20 Kano tǝ kucum tǝlankuri ka, kan tǝ bi mǝn mbap kǝ bom kumi shirǝm kǝ Yam, kano tǝ dǝm gǝs atli. Ger kǝ mbarǝm kup ngapo ar ra den ti, wu nǝm shini gǝsi. 21 Ar ni tǝ wul wur’e, «Se kǝno, argon tu shirǝm kǝ Yam yariwo ar mbirawi den ger gini.»

22 Munju kup kan ra lasiwo, wu yar ho shirǝm den ti, kan wu nǝm bi na am na shirǝm mǝn tǝmtǝn kano tǝ yari gwa, wu wule, «Muntuwo nya Yusufuni diya?»

23 Ar ni Yesu wul wur’e, «A momi ki yarim shirǝm tu kano ba yari gwa’e, , ki wulǝm----- es’e,

24 Arni Yesu wul wur ra’e, «A yarin in ge shirǝmi, tǝ ci cina na shirǝm tǝ wule, «ba nǝm shirǝm kǝ Mǝn yari shirǝm kǝ Yam gib bǝn gǝs da’a.» 25 , «gin tu kano mǝn yari shirǝm kǝ Yam Iliya rawo, mǝn ju kano kos gǝzǝn mǝshka gip Israilawo, wu womti, gini ni pi watlǝn myakan na kyar mukka ghon nda da’a, kano ba pi guzum na nari gip atli. 26 Ama Yam kar Iliya kar ko nǝm gǝzǝn da’a, ar ni Yam kar ti kar nagǝr tu kano bakos gǝs mǝshka gip bǝn Zarifat kano gip atl kǝ Sidon gwa. 27 Eso, mǝn ndǝcci jen ra na womti gip Israila, wokoci kǝ mǝn yari shirǝm kǝ Yam Elisha. Kup na untuwo, nǝm gǝzǝn gon ra kan Yam warke ti ndǝcci gǝska gwa da’a, se mbarǝm nǝm. ti ni’e Na’aman ba mǝn Suriya, muntu kan Yam warke ti ndǝcci gǝska gwa.»

28 Kup mbarǝm ju kan ra gip bom kumi shirǝm kǝ Yamiwo, lo ci wur nan wu kum shirǝm kǝ Yesu gwa. 29 Ar ni wu tlyam dlor, kano wu ɗǝli Yesuka kar bǝni, kan wu te ti den bi zhiki tu kan tu bǝn gǝzǝn dene gwa. Wu ndu’e wu byal ti tǝ nda su atl ka. 30 Ar ni Yesu kop gip wuri kan tǝ ndara won gǝsi.

Yesu ɗǝli dun itǝrka gip mbarǝme

31 Kano Yesu ba ndara Kaparnahum bǝn gon gip Galili, ar ni tǝ kulci mbarǝm den pǝt shukutǝni. 32 Ar ni kulci gǝsi dlǝkǝn mbarǝme, den shirǝm gǝs ra wule kǝ gunye.

33 Gip bom kumi shirǝm kǝ Yamo, mbarǝm gon ra mǝn dun itǝri, ar ni tǝ la yar hoyi tǝ wule, 34 «Wayi! Ununu ghun ki nam mi, Yesu kǝ Nazarat? Kǝ ɗir ni kǝ dǝ kǝ pa’ika nam mi ya? A mom ki woni, ki ni’e muntu ɗǝl sur kar Yam gwa!»

35 Kano Yesu ba matl dun itǝri, tǝ wul ti’e, «Yoni ɗǝl ter gip mbarǝm tu!» Kan dun itǝri ba byal ti atli cina dǝ mbarǝm ju kan ra lasi gwa, ar ni dun itǝri ɗǝlka gip mbarǝmi tǝ pi ti argon da’a.

36 Kano mbarǝm kǝ lasi kup ba nǝm bi na ame, wu wul ezǝn’e, «Unu ndǝri shirǝmi utu untu? Tǝ wul dun itǝr’e wu ɗǝl gip mbarǝme, kano wu ɗǝli.» 37 Argon tu kan Yesu piwo, ar ni kem mbarǝm nǝm yari shirǝm den ti gip atli kup.

Yesu warke mbarǝm na womti

38 Yesu ɗǝl gip bom kumi shirǝm kǝ Yam kan tǝ ndara bom dǝ Siman. Nakon kǝ Siman ra hoyi da’a, tǝ den kumi dli hoyi. Kan wu lir Yesu, dǝ tǝ warke ti. 39 Ar ni tǝ ri dlǝr su gam da ti ka, kan tǝ matl kumi dliyi tǝ za ti. Ar ni ar za ti, kan tǝ tlyam na zhotǝne, tǝ turi wur fingal tǝ bi wuri.

40 Nan pǝt nda bino, kup munju kan ra na berǝm na mǝn kan ra hoyi dawo, ar ni wu ɗir wur kar Yesu. Kan Yesu ba ne am gǝs den wur na nǝm nǝm den iri kumi dli ju ba ghun wur gwa, kan wu warke. 41 Untu ni’es dun itǝr ɗǝl gip mbarǝm ka na womti, wu den la’i yare, wu den wultǝn’e, «Ki nya Yam ni!» Ar ni Yesu matl wur tǝ wule, ba wu shirǝm da’a, den wu momi ti ni’e Almasihu.

Yesu pi wazu gip bom kumi shirǝm kǝ Yami

42 Nan bar tlowo, kan Yesu ba za lasi, tǝ ri gǝs las tu kan mbarǝm ra hoyi da gwa. Kano mbarǝm ba ngen ti ba ngen ti. Nan wu zam tiwo, ar ni wu ndu’e tǝ ri las gon’es da’a. 43 Kan tǝ wul wur’e, «Ar nǝmǝn te yarka a ri yari mbarǝm zo shirǝm kǝ zo dǝmi cina dǝ Ba-Gun Yam gip bǝni jeni, den untuni karǝm suri.» 44 Kan Yesu ba nǝm pi wazu gip bom kumi shirǝm kǝ Yam kǝ mǝn Yahuda.